• 04.08.2018 - 16:42 | Harrier
    Некалі самая вялізарная гнездавая калонія і скапленне негняздуючых каралеўскіх пінгвінаў (Aptenodytes patagonicus), пра якія мы ведаем і якая знаходзіцца ў паўднёвай частцы Індыйскага акіяна на адным з незаселеных людзьмі астравоў, за апошнія 35 гадоў скарацілася прыкладна на 90% - кажуць французскія даследчыкі.
  • 03.08.2018 - 21:34 | Harrier
    З-за таго, што ў чэрвені ў нас атрымалася зрабіць толькі 13 паведамленняў пра назіранні відаў са Спісу Клуба200, я вырашыў перанесці агляд на канец ліпеня і зрабіць яго агульным за два месяцы. У 2017 чэрвень таксама не быў багатым на назіранні рэдкіх відаў – толькі 16 паведамленняў, але, ў ліпені 2017 іх было толькі 7! Таму сёлетнія ліпеньскія назіранні, якіх атрымалася 28, канешне, нашмат больш багатыя на цікавыя віды і назіранні. Усяго за чэрвень і ліпень сёлета атрымалася адзначыць ажно 20 відаў са спісу Клубу200, што трэба прызнаць вельмі добрым вынікам.
  • 29.07.2018 - 20:51 | Harrier
    Яркасць і афарбоўка верха галавы - "кароны" - чорнагаловых зонатрыхій (Zonotrichia atricapilla) вельмі разнастайная. Доўгатэрміновыя даследаванні паказалі, што менавіта малюнак на галаве птушак служыць “значком статуса” ('badge of status') у групе. Аднак сістэма распазнавання іерархіі аказалася больш складанай, чым меркавалі раней.
  • 27.07.2018 - 16:05 | Harrier
    Пасля нядаўніх публікацый, прысвечаных параўнаўчым аналізам мітахандрыяльных ДНК усіх падвідаў і відаў сарок Pica, Міжнародная арніталагічная супольнасць (International Ornithological Community (IOC)) пагадзілася на наданне відавога статусу некаторым ранейшым падвідам і цяпер у родзе стала ажно сем відаў замест ранейшых трох. Усе генетычныя высновы пацверджаныя марфалагічнымі і адрозненнямі ў вакалізацыі. 
  • 26.07.2018 - 16:27 | Harrier
    Пара вялікіх сініц (Parus major) паспяхова выгадавала не толькі некалькі сваіх птушанят, але і двое чужых - ад сініх сініц (Cyanistes caeruleus). Адсачыць увесь працэс ад інкубацыі яек да выкармлівання птушанят атрымалася дзякуючы выкарыстанню ў дуплянцы он-лайн камеры. 
  • 25.07.2018 - 00:18 | Harrier
    Новы від птушак быў знойдзены толькі на пясчанай касе даўжынёй 1 км на  Whenua Hou (Codfish Island), недалёка ад іншага і большага памерамі вострава Сцюарта. Магчыма таму новы вiд і атрымаў назву тафунніка з Венуа Хоў Whenua Hou diving petrel (Pelecanoides whenuahouensis). Уся яго папуляцыя ацэньваецца ў 250 асобін.
  • 21.07.2018 - 23:06 | Harrier
    Новае даследаванне паказала, што адзін з падвідаў амерыканскай плямістай кугакаўкі можа паступова знікнуць з-за інбрыдынгу (скрыжоўвання паміж крэўнымі ў рознай ступені птушкамі), які па-рознаму, але закрануў ужо ўсе папуляцыі. 
  • 21.07.2018 - 13:25 | Harrier
    Грывасты ібіс (Geronticus eremita) - адна з самых рэдкіх птушак на Свеце - у прыродзе засталося не больш 1000 асобін, від мае статус крытычна пагражаемага. Аднак міжнародная каманда навукоўцаў пачала вялікі і складаны праект па вяртанні віду ў Еўропу, дзе ён быў даўно вынішчаны. Акрамя рэінтрадукцыі ібісаў у створаныя для іх штучна месцы гнездавання, даследчыкі выкарыстоўваюць параглайдэры каб паказаць птушкам магчымыя месцы зімоўкі ў Міжземнамор'е.
  • 20.07.2018 - 01:08 | Harrier

    Больш 6 тысяч відаў птушак можна аднесці да т.зв. насякомаедных, яны жывуць ва ўсіх галоўных наземных экасістэмах. Каб падкрэсліць вялікую і фактычна глабальную экасістэмную ролю гэтых відаў, заолагі з універсітэту Базэля (Швайцарыя), універсітэту Юты (Солт-Лэйк сіці, ЗША), універсітэту Ілінойса (Чыкага) і ўніверсітэту Koç (Стамбул, Турцыя) зрабілі цікавыя падлікі. 

  • 13.07.2018 - 02:00 | Harrier
    Маштабны і комплексны праект па ачышчэнні Знешніх Гебрыдаў (Outer Hebrides) ад амерыканскай норкі  (Neovison) Mustela vison) - інвазійнага і чужароднага віду звяроў – працягваўся апошнія 17 гадоў і нарэшце прызнаны паспяховым. З падрабязнымі каментарамі выступілі прадстаўнікі Scottish Natural Heritage (SNH) (Шатландыя, Вялікабрытанія).
  • 11.07.2018 - 00:59 | Harrier

    Каб станцыя кальцавання птушак “Сасновы бор” змагла працягваць працаваць у 2018-19 гг, на закупку сетак для адлову птушак і калец неабходна сабраць 2400 беларускіх рублёў. Як і куды можна пералічыць грошы, глядзіце на старонцы “Талакі”, прысвечанай гэтаму праекту тут: www.talaka.org/projects/2918/fund

    А ніжэй што і як мы робім, чаго ўжо дасягнулі і на што будуць патрачаны вашыя грошы.

  • 08.07.2018 - 18:43 | Harrier

    Глабальнае пацяпленне і яго эфекты для птушак Арктыкі могуць быць вельмі нечаканымі. Jeroen Reneerkens з універсітэту Гронінгена (Нідэрланды) пачаў вывучаць гняздуючую папуляцыю пясчанак (Calidris alba) на Грэнландыі з 2003 году. Кожнае лета ён цяпер праводзіць на паўночным усходзе гэтага вялізарнага данскага вострава на даследчай станцыі Zackenberg, на якой адсочваюцца розныя біятычныя і абіятычныя фактары. Што даследчык убачыў там сёлета, ён распавядае ніжэй. 

  • 06.07.2018 - 02:04 | Harrier
    У самым пачатку ліпеня адбылася неверагодна важная падзея для захавання трапічных дажджавых лясоў - у Калумбіі нацыянальны парк Serranía de Chiribiquete быў афіцыйна павялічаны да 4.300.000 гектар! Такім чынам, ён стаў самай вялікай ахоўваемай тэрыторыяй падобнага тыпу ў Свеце і ў дадатак атрымаў статус як Сусветная спадчына (UNESCO World Heritage) у прызнанне яго "вялізарнага ўніверсальнага значэння" для прыроды і людзей. 
  • 05.07.2018 - 16:57 | Harrier
    Сучасныя тэхналогіі кіно дазваляюць стварыць амаль любую "рэальнасць", аднак не ўсе рэжысёры карыстаюцца з гэтага.  Французская федэрацыя прыроды і прыродаахоўных арганізацый і France Nature Environnement (FNE) падрыхтавалі афіцыйную судовую позву да рэжысёра Ніколя Ванье (Nicolas Vanier) з-за стратаў, якія панесла калонія чырвоных фламінга (Phoenicopterus roseus) пад час здымкаў фільма яго камандай.
  • 02.07.2018 - 23:35 | Harrier

    З самага пачатку масавага выкарыстання ветра для выпрацоўкі  электраэнергіі з дапамогай ветракоў, на іх гінуць і птушкі, і кажаны. Зразумела, што колькасць забітых птушак моцна залежыць ад месцазнаходжання фермы або асобнага ветрака. Але для такіх вялікіх і доўгажывучых птушак, як арлы і арланы, гібель нават адной асобіны можа негатыўна ўздзейнічаць на лакальную папуляцыю. Таму аўтаматычная сістэма, якая магла б без умяшальніцтва чалавека выключаць ветрак пры небяспечным набліжэнні птушак да яе, магла б захаваць шмат птушыных жыццяў. І вось яе прататып створаны і прайшоў паспяховыя выпрабаванні.