http://birdwatch.by/zima2019

 

  • 30.11.2009 - 00:55 | Harrier

    У артыкуле, які апублікаваны ў Journal of Applied Ecology, каманда даследчыкаў сцвярджае, што вынайшла новы метад, які дазваляе больш дакладна і хутка ацэньваць колькасць птушак.
    Раней навукоўцы выкарыстоўвалі ўлікі спяваючых самцоў або нават лапалі птушак сецямі, каб лепш ацаніць памер іх папуляцыі.
    Новы падыход быў выпрацаваны пад час вывучэння песняў невялікай вераб’інай птушкі з Паўночнай Амерыкі – залатагаловага драздовага спевуна (Seiurus aurocapillus). 

  • 29.11.2009 - 01:51 | Kiolk

          З сённяшняга дня на сайце можна размяшчаць і праслухоўваць гукавыя файлы. Праўда, дадзеная функцыя пакуль даступна толькі ў "Навінах", але ў бліжэйшы час яна з'явіцца і ў "Нашых назіраннях". Песні або іншыя гукі птушак, або гукавыя расповеды пра іх дазволяць адчыніць для нашых наведвальнікаў новыя, яскравыя старонкі жыцця птушак.

  • 26.11.2009 - 00:24 | Harrier

        Новая ўзнагарода Брытанскага орніталагічнага трэста ВТО за выдатнае асвятленне ў масс-медыях  аховы птушак была ўручана на гэтым тыдні брытанскім журналістам. Медаллю ВТО імя Дыліс Брыз (BTO’s Dilys Breese Medal) былі ўзнагароджаны 6 найлепшых журналістаў, якія прадстаўляюць тэлебачанне, радыё, прэсу і новыя (электронныя) мас-медыі. Урачыстасць адбылася ў будынку Палаты Лордаў Брытанскага парламенту, пры чым медалі ўручала прэзідэнт ВТО баранэсса Барбара Янг (Baroness Barbara Young).

  • 22.11.2009 - 23:53 | Harrier

        Нядаўняе змяншэнне колькасці чырвонага каршуна ў Еўропе адбылося так значна і імкліва, што Еўразвяз прыняў новы план дзеянняў, які будзе распаўсюджаны на ўвесь кантынент і мэтай якога ёсць прыпыніць далейшае знікненне віду. Драматычнае змяншэнне еўрапейскай папуляцыі чырвонага каршуна часткова адбылося з-за інтэнсіфікацыі сельскай гаспадаркі ў краінах Усходняй Еўропы, аднак галоўная прычына – шырокае выкарыстанне атруты. Колькасць птушак на асноўных зімоўках віду таксама значна зменшылася за апошнія 15 год.

  • 21.11.2009 - 00:54 | Harrier

        Наклад другога нумару “ПіМу” за гэты год ужо надрукаваны. Спадзяемся, што ў хуткім часе сябры АПБ атрымаюць яго па пошце. У гэтым нумары чытачы могуць пазнаёміцца адразу з двума матэрыяламі ў рубрыцы “Погляд”: Ірына Самусенка распавядае пра праблему “Птушкі і ЛЭП” і прадстаўляе свой погляд на яе вырашэнне, а Дзяніс Кіцель піша пра вайну з гракамі і свой погляд на яе.
    Далей прадстаўлены орніталагічныя навіны ў выглядзе падборкі скаротаў некаторых артыкулаў, змешчаных на сайтах АПБ ptushki.org і birdwatch.by.

  • 20.11.2009 - 17:46 | Kiolk

        Мы запрашаем вас прыняць удзел у нашых намаганнях па абароне папуляцыі белагаловага сіпа ў Ізраілі. Каб падтрымаць і захаваць птушак дадзенага віда, мы праводзім назіранні за гнёздамі ў запаведніку Gamla, што размешчаны ў цэнтры Golan Heights на поўначы Ізраіля. Дадзены раён даволі спакойны і ўдалены ад цэнтру краіны (і адпаведана ад навінаў…). У каньёнах гэтага запаведніка размешчана адна з найвялікшых і апошніх калоній белагаловага сіпа ў Ізраілі.

  • 18.11.2009 - 02:06 | Kiolk

      Назва прадстаўніка паўночнаамерыканскай арнітафауны: Belted Kingfisher (Ceryle alcyon) на беларускай мове гучыць як перапаясаны зімародак. Менавіта гэтая птушка была адзначаная і сфатаграфаваная 16.11.2009 на ўзбярэжжы Мар-Менор (Mar Menor) на поўдзень ад горада Лос-Алькасарэс, што ў Гішпаніі.

  • 17.11.2009 - 23:50 | Harrier

    Пад час васьмігадовага прэзідэнцтва Джорджа Буша-малодшага, ён змясціў 62 віды пад ахову Акта аб знікаючых відах (Endangered Species Act (ESA)),такім чынам у сярэднім атрымалася амаль 8 відаў штогод. І калі прыродаахоўныя арганізацыі прыводзіла ў шаленства павольнасць Буша ў той час, калі ў ЗША працягвалі знікаць многія віды раслін і жывёл, прэзідэнт Абама ў адносінах да аховы прыроды паводзіць сябе яшчэ павольней.

    Пад час 10 месяцаў свайго знаходжання на працоўным месцы ў офісе прэзідэнта, Абама занёс у спіс пад ахову ESA толькі адзін від: гавайскую расліну, папуляцыя якой зменшылася да некалькіх асобін. І хаця адміністрацыя Абамы вызначыла 249 відаў – кандыдатаў для аховы, адзіны від, які трапіў пад федэральную ахову – гэта амаль нічога.

  • 15.11.2009 - 23:45 | Harrier

       Пер’е аднаго з паўднёваамерыканскіх відаў птушак было знойдзена выконваючым спецыяльную функцыю рэзанатараў высокачастотных гукаў, дзякуючы якім птушкі прыцягваюць да сябе і сваёй тэрыторыі ўвагу партнёраў.
    Навукоўцы вывучалі гукі, якія выдае каральковы манакін (Machaeropterus deliciosus). Доўгі час думалі, што пер’я самца ўтвараюць проста барабанячы гук, аднак цяпер знайшлі, што спецыяльная будова пер’яў выкарыстоўваецца хутчэй для змены танальнасці гукаў.

  • 15.11.2009 - 21:03 | biot

       В очередной раз собрались члены Западно-Полесского регионального и Брестского областного отделений на семинаре, проводимом в рамках проекта «Сохраним природу вместе», финансируемого Программой малых грантов Глобального экологического фонда. Семинар проводился в Брестском районе на территории биосферного резервата «Прибужское Полесье» на берегу живописного и очень древнего озера Селяхи.

  • 14.11.2009 - 19:03 | Pandion

     7-8 ноября в д. Залесье Пружанского района на окраине одного из интереснейших низинных болот Беларуси - болота Дикое состоялся летник для активных отделений АПБ в рамках совместного проекта  АПБ со шведским орнитологическим обществом SOF и организацией SIDA. 




     

  • 13.11.2009 - 22:07 | Harrier

        Малады стэпавы арол, знойдзены параненым у Абу Дабі (Аб’яднаныя Арабскія Эміраты), быў вылечаны і атрымаў спадарожнікавы перадатчык, які дазволіў прасачыць яго наступныя зімовыя і вясновыя перамяшчэнні.
    Паранены малады арол быў змешчаны ў Сакаліны шпіталь Абу Дабі (Abu Dhabi Falcon Hospital) і пасля выздараўлення і рэабілітацыі быў выпушчаны ў прыроду ў студзені 2009г. ў Аль Эйн (Al Ain) у раёне Захер (Zakher) і праз увесь час з дапамогай спадарожнікавага перадатчыка адсочваўся Агенцыяй Навакольнага асяроддзя (Environment Agency – Abu Dhabi (EAD)).

  • 12.11.2009 - 11:44 | Harrier

        ТВП „Dolina Neru” знаходзіцца на тэрыторыі „Natura 2000” і ўваходзіць у комплекс прадоліны Варшаўска-Берлінскай. Гэта адно з чатырох месцаў гнездавання вяртлявай чаротаўкі на тэрыторыі Польшчы.
    Інвентарызацыі птушак на ТВП прысвечаны адмысловы артыкул у чарговым нумары часопіса „Woliera” (nr 5/2009).

  • 10.11.2009 - 00:58 | Harrier

        Доўгачаканае перапрацаванае і дапоўненае выданне знакамітага палявога вызначальніка птушак Collins Bird Guide, by Killian Mullarney, Lars Svensson, Dan Zetterström and Peter G Grant, чакаецца з друку ўжо на пры канцы лістапада.
    Новае выданне таўсцейшае папярэдняга на 10%, у ім 24 новых развароты і інфармацыя пра прыкладна 40 новых відаў птушак (галоўным чынам тых, статус якіх быў падняты з падвідаў да відаў). Грунтоўна была перапрацаваная інфармацыя пра вадаплаўных птушак, буравеснікаў, коўраў, сокалападобных, журавоў, вялікіх чаек, галубоў, туркавак, соваў, свірстуноў, драздоў, падкаменак, іншых дробных вераб’іных (warblers), валасяніц, грычуноў і амерыканскія віды вераб’іных. Для гэтых груп былі папраўлены мапы і малюнкі.

  • 09.11.2009 - 20:30 | Harrier

        Шведзкі праект “100 балот” (“100 Wetlands”) дасягнуў амаль палову свайго запланаванага выніку – аднавіць сто лясных балот і забалочаных месцаў да канца 2010 году. Шматлікія балоты па ўсёй Еўропе былі асушаныя, асабліва маштабна гэты працэс адбываўся ў мінулым стагоддзі. Ў Швецыі менш чым адна чацвёртая былых забалочаных тэрыторый захавалася ў больш-менш натуральным стане. У апошнія гады, аднак, адзначаны трэнд па аднаўленню асушаных тэрыторый.