Зіма 2018

 

  • 11.06.2017 - 00:59 | Harrier

    Запісы спеваў звычайных стрынатак (Emberiza citrinella) з Новай Зеландыі даюць магчымасць арнітолагам пачуць, як іх брытанскія суродзічы маглі спяваць 150 гадоў таму. Даследаванне паказала, што як мінімум некалькі дыялектаў, з якімі спяваюць стрынаткі ў Новай Зеландыі – куды яны былі завезеныя яшчэ ў ХІХ ст, страчаны ў сучасных птушак Вялікабрытаніі.

    Навукоўцыпараўноўвалі дыялекты спеваў звычайных стрынатак у Вялікабрытаніі і былой калоніі Брытанскай імперыі – Новай Зеландыі, дзе больш за 600 звычайных стрынатак было выпушчана ў 1860-70 гг і пазней яны сталі праблемай. Вынікі былі апублікаваныя ў часопісе  Ecography.

  • 08.06.2017 - 19:51 | Harrier

    Старажытны бурштын з М’янмы ізноў паказаў, якія значныя для палеанталогіі і нашых уяўленняў пра эвалюцыю вялікіх таксонаў жывёл адкрыцці могуць быць здзейснены з дапамогай гэтага незвычайнага прыроднага матэрыялу для захавання парэшткаў даўно вымерлых відаў. З дапамогай кампьютэрнай тамаграфіі атрымалася ўбачыць самыя камплектныя парэшткі старажытнага птушаня ў бурштыне даўжынёй каля 10 см. Яго ўзрост быў вызначаны амаль на 100 мільёнаў гадоў.

    Захаванае пер’е паказвае, што птушанё, якое трапіла ў смалу, ужо было апераным і пражыло як мінімум першыя дні або нават тыдні. Косткі, скура і мяккія тканкі таксама трапілі ў бурштын і забяспечваюць навукоўцаў унікальнай інфармацыяй пра даўно зніклую групу птушак.

  • 08.06.2017 - 13:44 | Harrier

    Сёння зранку ў арніталагічнай Меццы Літвы – на мысе Ventė у аднайменнай арніталагічнай станцыі быў адзначаны новы для гэтай краіны від птушак -  рыжапаяснічная ластаўка (Cecropis daurica)!

    Птушку ўбачыў і сфатаграфаваў арнітолаг Вітаўтас Эйгірдас (Vytautas Eigirdas). Мыс Вентэ знаходзіцца ў дэльце Нёмана, адміністратыўна ў раёне Šilutė (Заходняя Літва). Менавіта там у 1929 годзе наш зямляк праф. Тадэвуш Іваноўскі (Tadas Ivanauskas) заснаваў арніталагічную станцыю, якая прычынілася да першых рэгістрацый для Літвы ўжо некалькіх відаў птушак.

  • 28.05.2017 - 00:40 | Harrier

    Самцы птушак, якія ўжо маюць партнёрку, не супраць навязаць кантакт з іншай самкай. Нядаўняе даследаванне, вынікі якога апублікаваныя ў часопісе The Auk: Ornithological Advances, спрабуе зразумець як такія паводзіны самцоў цёмнавокага юнка (Junco hyemalis) залежаць ад сацыяльнага кантэксту.

  • 26.05.2017 - 00:43 | Harrier

    Шаноўныя сябры! Польскія калегі запрашаюць на Агульнапольскую арніталагічную канферэнцыю “Ornitologia w skali lokalnej i globalnej” (“Арніталогія ў лакальным і глабальным маштабе”), якая адбудзецца 20-22 верасня 2017 г. у Любліне і Уршуліне (LUBLIN-URSZULIN). 

    Канферэнцыю арганізуюць: Katedra Zoologii, Ekologii Zwierząt i Łowiectwa Uniwersytetu Przyrodniczego w Lublinie, Zakład Ochrony Przyrody Uniwersytetu Marii Curie-Skłodowskiej w Lublinie, Sekcja Ornitologiczna PTZool, Liga Ochrony Przyrody і Poleski Park Narodowy.

  • 23.05.2017 - 22:20 | Harrier

    Незвычайная рэгістрацыя адбылася 22 мая ў Белыніцкім раёне Магілёўскай вобласці – там быў заўважаны арол-магільнік (Aquila heliaca). Дзякуючы дапамозе настаўнікаў Вішаўскай школы ды іншых неабыякавых людзей, знясіленая птушка правядзе наступныя некалькі дзён на рэабілітацыі ў Магілёўскім заасадзе.

  • 19.05.2017 - 17:51 | Harrier

    Штогод у нашай краіне адзначаюцца новыя віды птушак. Адбываецца гэта не толькі дзякуючы павелічэнню ўвагі да назіранняў, але таксама і з-за натуральных зменаў у шляхах міграцыі або месцах зімоўкі ці нават гнездавання асобных відаў.  І менавіта інфармацыя пра выпадкі гнездавання новых відаў з’яўляецца, напэўна, найбольш каштоўнай, бо такія выпадкі адзначаюцца нашмат радзей, чым рэгістрацыя новых відаў на пралёце ці зімоўцы і могуць пацвердзіць агульныя тэндэнцыі ў павелічэнні гнездавога арэалу. Так атрымалася і ў выпадку вялікага і надзвычай прыгожага віду кулікоў – шыладзюбкі (Recurvirostra avosetta).

  • 29.04.2017 - 22:08 | Harrier

    У адрозненне ад многіх іншых чаек, намінальны падвід чайкі-чарнакрылкі (Larus fuscus fuscus) у апошнія дзесяцігоддзі паказвае пастаянны трэнд па змяншэнню колькасці ва ўсходняй Феннаскандыі. І хаця ў якасці прычын гэтага прапануюцца розныя: міжвідавая канкурэнцыя з іншымі відамі чаек, турбаванне чалавекам, атручванне пестыцыдамі, недахоп ежы ды іншыя, сапраўднага становішча ніхто не ведае. Каманда фінскіх арнітолагаў з дапамогай сучасных метадаў даследаванняў спрабавала атрымаць адказы на пагрозы, якія існуюць для гэтых чаек пад час сезону гнездавання.  

  • 28.04.2017 - 22:37 | Harrier

    Гнездование большой белой цапли Egretta alba в Беларуси было впервые документально подтверждено в 1997 г., когда гнезда были обнаружены в колонии серой цапли в заказнике «Простырь» (Пинский район Брестской области) и в смешанной колонии серых цапель и большого баклана в заказнике «Устье Лани» (Лунинецкий район Брестской области) [1], хотя первая гнездовая колония на крайнем юго-востоке Беларуси была зарегистрирована в 1994 г. [2].

    В 1997 г. численность вида оценивалась в 10–30 гнездящихся пар [2], в 2000 г. – уже в 200–300 гнездящихся пар [3]. В 2000-е годы был отмечен быстрый рост численности и расширение ареала большой белой цапли. В 2011 г. гнездящаяся популяция составляла уже 1000–2000 гнездящихся пар, а вне сезона размножения – более 10000 птиц [4].

  • 20.04.2017 - 19:58 | Harrier
    Новае даследаванне раскрыла нечаканыя аспекты міграцыі арлоў-маркутоў (Aquila chrysaetus) у Паўночнай Амерыцы, знойдзеныя дзякуючы выкарыстанню сучасных тэхналогій.