Чым больш голай скуры на галаве, тым вышэйшы статус птушкі

 Памер неаперанага ўчастка на галаве аўстралійскай султанкі (Porphyrio p. melanotus) – ярка чырвонай скуры над дзюбай – можа сведчыць пра яе сацыяльны статус. Акрамя гэтага навукоўцы лічаць, што гэта адкрыццё можа быць звязана з больш універсальнай сістэмай падтрымання іерархіі і не толькі ў птушак.

Даследчыкі Код’і Дэй (Cody Dey) і Джым Квін (Jim Quinn) з універсітэту McMaster у Канадзе паказалі, што гэты неапераны ўчастак голай скуры павялічваецца або змяншаецца ў памерах у залежнасці ад групы, ў якой утрымлівалася дадзеная птушка.

“Многія віды жывёлаў могуць сігналізаваць сваю дамінацыю або здольнасць змагацца з іншымі, выкарыстоўваючы адмысловыя сігналы. Гэта як колер пасу каратэкі: без сутыкнення няма доказаў, што той, хто апрануў чорны пас лепшы за таго, хто носіць белы, але ўсе ведаюць градацыю колераў і прытрымліваюцца этыкету паводзінаў” – сказаў Дэй. 

Каб праверыць свае здагадкі адносна сігналаў дамінацыі ў султанак, Дэй з калегамі прыехалі ў Новую Зеландыю, дзе ў прыродных умовах адлоўлівалі і замяралі агульныя памеры і плошчу аголенай чырвонай скуры на галаве птушак. Аказалася, што хаця памеры птушак істотна не адрозніваліся, плошча ярка-чырвоных плямаў на іх галаве адрознівалася. 

Гэтыя неапераныя ўчасткі скуры сярод цёмна-сіняга апярэння султанак выдатна заўважныя. Іх фізічная функцыя невядомая, таму даследчыкі вырашылі праверыць, ці не нясуць яны сацыяльную функцыю. 

Птушкі з большымі неаперанымі плямамі займалі вышэйшае іерархічнае становішча ў сваёй групе і менш часта задзіраліся султанкамі з больш нізкім статусам. Каб праверыць менавіта дзеянне велічыні чырвоных плямаў, навукоўцы адлавілі высокарангавых султанак і замалявалі краі іх аголенай скуры чорнай фарбай так, каб візуальна зрабіць іх меншага памеру. 

Пасля гэтага такія султанкі зазналі нашмат больш агрэсіі ў той жа групе і іх сапраўдныя плямы … зменшыліся ў памерах, адлюстроўваючы іх новы іерархічны статус! Такім чынам, змены паказалі не толькі сувязь паміж статусам і памерам голай скуры на галаве, але і тое, што маркер статуса сапраўды паказвае ступень дамінавання птушак у групе.

Паводле  www.wildlifeextra.com падрыхтаваў Дзьмітры Вінчэўскі для www.birdwatch.by 

Здымак з www.commons.wikimedia.org

 

На гэтую тэму:

РАЗУМНЕЙШЫЯ САМЦЫ ПТУШАК МАЮЦЬ БОЛЬШ ШАНЦАЎ У САМАК

 

САМКІ НІЗКАГА РАНГУ ВЫБІРАЮЦЬ НІЗКАРАНГАВЫХ САМЦОЎ

 

КАНФЛІКТ ПАЛОЎ І ЯГО НЕЗВЫЧАЙНАЕ РАШЭННЕ Ў КАЧАК

 

Comments

 Цікавае даследаванне. Але, мабыць, для груп птушак даследаванне было не вельмі карысным - у яго выніку мацнейшыя, высакарангавыя птушкі апынуліся ўнізе іерархічнай лесвіцы, што паменшла іх шанец на прадленне роду.

 Насамрэч вядома, што адбору (і віду) патрэбныя розныя асобіны -і высока, і сярэдне і нізкарангавыя. Бо інакш бы яны не існавалі. Ды і карыстанне рэсурсамі і тэрыторыяй (акваторыяй) у рознарангавых адрозніваецца, што на карысць віду.

ac/dc (госць) - 10.12.2013 - 18:37

ясно, что конкретные птицы пострадали, но они остались живы) Я абсолютно уверен, что точно такую же функцию играет белый нарост у лысух, он значительно увеличивается весной и практически отсутствует у птенцов.так что канадцы могли и не летать в Н.Зеландию, а протестировать теорию на американских лысухах на ближайшем водоеме))))) Удивительно и нелогично то, что высокоранговые птицы потеряли свой статус, ведь каратист и без черного пояса все равно будет удерживать свой статус высоким. Возможно, что "опущенных" птиц слишком часто задирали (они же не видели своего отражения и не могли понять почему) и в результате стресса они потеряли энергию и статус. ав

 Канешне, ў Новую Зеландыю лётаць было неабавязкова (але там жа не толькі султанкі распаўсюджаны :). Бо султанкі ёсць і бліжэй. А насамрэч, акрамя іх і лысак падобныя яркія кантрастныя з колерам апярэння скураныя вырасты ёсць не толькі ў султанак ды лысак, але і ў іншых водных птушак: чаротніц і якан. Таму механізм выглядае на даволі ўніверсальны.