Крычкавыя залёты

Дакументацыйныя здымкі

Фармаванне пары ў многіх нашых відаў птушак адбываецца толькі пасля вяртання на патэнцыйную гнездавую тэрыторыю. І тут паўстае праблема  выбару адпаведнага для размнажэння партнёра. 

Ў рачных крычак (Sterna hirundo) праверыць выбар месца і самца самкам параўнальна проста - ён не толькі павінен громка крычаць і паказаць самцы адпаведнае месца для ямкі-гнязда (а ў апошнія гады нават і на вялікіх плоскіх дахах), але і рэгулярна прыносіць здабычу-рыбку. Бо калі ён не здольны пракарміць сябе і сваю (будучую) партнёрку, то як ён дасць пазней рады карміць усю сям'ю, ўключна з птушанятамі?

Самка ў такім выпадку не палюе зусім і мае час для спакойнага фармавання энергетычных і іншых запасаў для фармавання яек.

рака Нёман у Горадні, 05-2015.

Аўтар - Дзьмітры Вінчэўскі

Аднак не трэба думаць, што адразу пасля выбару партнёра ў пары ўсё ідзе гладка і "на аўтамаце" - зусім не! Вось нават рыбку з першага разу перадаць не атрымалася:

Аднак з часам партнёры ўсё лепш і лепш "прыціраюцца" адзін да аднаго і трацяць менш часу і энэргіі на такія падставовыя дзеянні.

З другога разу (пачатак якога я на здымках прапусціў), ўсё ў іх атрымалася: