Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Ластаўкі-зямлянкі: вылятае другі вывадак

У пачатку ліпеня са сваіх норак выляцелі маладыя ластаўкі-зямлянкі (Riparia riparia). 

Усяго норак было каля двухсот і знаходзіліся яны ў шырокай траншэі на схіле пад "старым замкам". Я бываю там двойчы на дзень і добра бачыў, як маладыя ластаўкі заляталі назад у норкі (пэўна нават не ўсвае - бо як пасля вылету запомніць у якой з іх яны правялі першыя тыдні жыцця?). Паступова яны ўсё радзей вярталіся туды і потым я больш на месяц забыў пра зямлянак і гэтую тарншэю, бо ластаўкі не давалі поваду туды заглядаць.

І вось амаль раптам яны ізноў сталі залятаць у некаторыя норкі! Іх не было столькі, колькі ў сярэдзіне лета, але прыкладна 30-40 птушак заляталі ў норкі і выляталі з іх.

Што ж адбываецца, чаму маладыя зямлянкі вырашылі вярнуцца ў норкі? Які ў гэтым сэнс?

Пасля прагляду серыі здымкаў аказалася, што гэта ...новыя птушаняты, якіх ужо у выйсця з норкі дакармліваюць бацькі!

Не чуў раней, каб зямлянкі мелі другі вывадак у нашых шыротах, але і так доўга назіраць за іх жыццём раней магчымасці не меў. Можа гэта звычайная справа?

23-08-2019, Гродна

Аўтар - Дзьмітры Вінчэўскі