Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Вяртлявая чаротаўка 8

Каментары

Дзякуй, Оксана! Зразумела, што самцы найбольш актыўныя ў вячэрні час, але ў месцах, дзе чаротавак шмат, іх можна адзначыць і днем. Усё гэта адбывалася на балоце Званец, у  месцы, дзе шчыльнасць чаротавак самая высокая ў свеце. Падчас улікаў на гэтай тэрыторыі мне даводзілася чуць адначасова па 5-6 самцоў з адной кропкі. З самкамі прасцей - на гнездавым участку яны актыўныя і ўдзень, фатаграфаць можна нават і без схованкі, проста ў маскіровачнай вопратцы. Гэтых птушак я фатаграфаў з невялікай палаткі-схованкі, якая стаяла адносна недалека ад гнязда (дзве розныя самкі). Такая вольнасць у адносінах да глабальна пагражаемага віду была дазволена мне з тае нагоды, што птушаняты з гэтых гнёздаў у хуткім часе пасля фатаграфавання забіраліся навукоўцамі, па адмысловай методыцы дарошчваліся ў штучных умовах і потым у рамках навуковага эксперыменту выпускаліся ў падыходзячым біятопе ў Літве. Толькі сёння я даведаўся, што ўсе пераселеныя птушаняты паспяхова адаптаваліся на новым месцы і ёсць добрыя шанцы, што менавіта туды яны і вернуцца наступным летам пасля зімоўкі. Будзем чакаць вынікаў. 

Цікавыя падрабязнасці, дзякуй!

Але калі месца гнездавання і зімоўкі ў пералётных птушак вызначаецца больш генетычна, а ўжо канкрэтны біятоп - імпрынтынгам, то чаго тым птушкам вяртацца на гнездаванне ў Літву, не зразумела. Але цікава будзе праверыць гіпотэзу.

Ніхто дакладна не ведае, як яно на самай справе. Калі дапусціць, што імпрытынгам вызначаецца не біятоп, а канкрэтнае месца, то ўсё мусіць атрымацца. Ну калі толькі не пашкодзяць шматлікія "калі"...  Карацей кажучы, час пакажа. Вельмі хацелася б, каб усё атрымалася...