Сёння традыцыйна Гродзенскім аддзяленнем ладзілася назіральная пляцоўка ў парку Жылібера. Усе жадаючыя гарадзенцы рознага ўзросту назіралі за птушкамі ў трубы і біноклі, фатаграфаваліся і атрымалі ў падарунак паштоўкі і налепкі. Нягледзячы на цёплае і сонечнае надвор'е відаў атрымалася адзначыць няшмат. Аднак, пад час працы пляцоўкі акрамя звычайных для усіх галубоў, крыжанак ды шпакоў ў цэнтры горада пашанцавала яшчэ пабачыць крумкачоў і мігруючых гусей.
Агулам ў назіраннях прынялі ўдзел 175 чалавек: 111 дарослых і 64 дзетак. Акрамя мясцовых жыхароў горада завіталі на пляцоўку госці з Літвы і Расіі і маладыя (маладажоны).
Вынікі сённяшніх назіранняў:
1. Голуб шызы - 85
2. Крыжанка - 28
3. Звычайны шпак - 430
4. Шэрая варона - 5
6. Крумкач - 3
7. Гусі sp. - 92
Таццяна Смыкоўская, здымкі аўтара
- Увайдзіце ці зарэгіструйцеся каб пакідаць каментары.
Каментары
Harrier - 04.10.2014 - 21:10
Было вельмі прыемна паказаць
Было вельмі прыемна паказаць нашых птушак не толькі беларусам, але таксама і сям'і з Літвы, і групе турыстак з Урала
Найбольш нечаканымі з птушак сталі 3 крумкачы, якія праляцелі з крыкамі фактычна праз цэнтр гораду.