Малады стэпавы арол, знойдзены параненым у Абу Дабі (Аб’яднаныя Арабскія Эміраты), быў вылечаны і атрымаў спадарожнікавы перадатчык, які дазволіў прасачыць яго наступныя зімовыя і вясновыя перамяшчэнні.
Паранены малады арол быў змешчаны ў Сакаліны шпіталь Абу Дабі (Abu Dhabi Falcon Hospital) і пасля выздараўлення і рэабілітацыі быў выпушчаны ў прыроду ў студзені 2009г. ў Аль Эйн (Al Ain) у раёне Захер (Zakher) і праз увесь час з дапамогай спадарожнікавага перадатчыка адсочваўся Агенцыяй Навакольнага асяроддзя (Environment Agency – Abu Dhabi (EAD)).
Пасля выпуску арла, ён паспяхова працягнуў сваю міграцыю, праляцеў над Аманам і Саудаўскай Арабіяй амаль 4000 км і зазімаваў у Паўднёвым Йемене. Да канца лютага птушка знаходзілася ў Йемене і распачала вясновую міграцыю. Пад час гэтага падарожжа арол праляцеў больш 7000 км і застаўся ў Казахстане, дзе і правёў лета.
Ягомосць Маджыд Аль Манзуры (H.E Majid Al Mansouri), Генеральны сакратар EAD, сказаў: “Мы заўсёды гатовы інвеставаць у самыя апошнія тэхналогіі каб лепш зразумець навакольнае асяроддзе. І працягнем выкарыстоўваць спадарожнікавае сачэнне, каб лепш зразумець перамяшчэнні і міграцыі ключавых відаў птушак.”
Цалкам артыкул тут: Migration Routes of Steppe Eagles (PDF)
Здымак маладога арла з перадатчыкам і мапа яго перамяшчэнняў: EAD.
Паводле www.birdwatch.co.uk падрыхтаваў Дзьмітры Вінчэўскі
На гэтую тэму
- Увайдзіце ці зарэгіструйцеся каб пакідаць каментары.
Comments
Ананім (госць) - 15.11.2009 - 18:13
"Цалкам артыкул тут:
Harrier - 15.11.2009 - 20:22
In reply to "Цалкам артыкул тут: by Ананім (госць)
Дзякуй, вось спасылка:
Дзякуй, вось спасылка: Migration Routes of Steppe Eagles (PDF)