Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Punks not dead!

Рэальная гісторыя ў карцінках.

Сёння вадзіў уздоўж Нёмана 2 групы студэнтаў на практыцы па заалогіі хрыбетных. Для першай групы ў вусце Ласасянкі знайшоў самку вялікага савука (Mergus merganser) з 8 малымі, якія мірна спалі на пясчанай касе (першы здымак).

Праз нейкі час у касы выйшаў лавіць рыбу рыбак і сямейства перабралася больш у левы ад мяне бок, дзе размясцілася на камянях (другі здымак, зроблены прыкладна праз паўгадзіны) недалёка ад берага:

Прыкладна праз 3 гадзіны прывёў на гэтае месца другую групу студэнтаў, савукі спалі на асобных камнях: мама на адным, усе 8 малых - на суседнім. Раптам усе качкі паўскаквалі ў ваду - у некалькіх метрах ад іх выйшлі да вады 2 сабакі. Самка з малымі вырашала адплыць ад іх далей:

 "Правільна робіць!" - падумаў я, здымаючы іх і тут убачыў, што самка ... развярнулася і плыве ў бок сабак!

Птушаняты таксама паступова развярнуліся, і не ламаючы шыхт паплылі за ёй!

 Сям'я савукоў паступова набліжалася і сабакі прымалі ўсё менш зацікаўлены ў нападзе выгляд:

 Усё скончылася цалкавітым посьпехам бястрашнай самкі! А цяпер паглядзіце на яе чуб троху бліжэй! Амаль увесь час пасля развароту да сабак яна трымала яго ў такім вось стане!

рака Нёман, Гарадзеншчына. 07-07-2015

Аўтар - Дзьмітры Вінчэўскі

Каментары

Тут дзве асобныя цікавыя справы: першая - чуб. Магчыма, вецер троху дапамог. Але я бачыў тысячы савукоў і ў вецер, і без ветра ў розных сытуацыях і ніколі такога чубу. Другая - для чаго ці чаму самка паплыла ў бок сабак і праплыла каля іх параўнальна блізка, хаця добра бачыла іх і адразу прыняла супрацьлеглае рашэнне? Я адказу не маю і нават як гэта можна растлумачыць ніякіх прапановаў.

По-моему все намного проще. На снимках видно, что дует сильный ветер. Плыть против ветра сложно, а к тому же на месте, куда бы они в итоге приплыли, стояли Вы со своими студентами. Вот и выбрала из двух зол (собкаи или орнитологи) меньшее -- собак. А чуб от ветра.

Нічога "простага" не было. Мы стаялі метрах у 100 на супрацьлеглым беразе, яны нават нас магчыма і не бачылі. Чуб не ад ветру, хаця вецер мог яго троху раздуць. Самка спачатку плыла ўніз па рацэ = па плыні, а калі развярнулася і міма сабак - супраць плыні.

Дарэчы, паглядзіце чацвёрты здымак - самка ўжо плыве ў бок сабак, а чуб яшчэ не падняты - гэта адразу пасля развароту. На ўсіх пазнейшых здымках чуб выглядае аднолькава паднятым.