EuroBirdWatch-2012 у Горадні. Субота - птушкі і дождж

 Пагода абяцала трымацца і пасьля абеду, таму мы падрыхтаваліся да Панэўрапейскіх восеньскіх назіраньняў птушак па поўнай праграме: прыгожыя студэнткі-заолагі з 5 курса накіроўвалі на нашу пляцоўку ў парку імя Ж-Э.Жылібера ўсіх шпацыруючых. А  на пляцоўцы іх ужо чакалі трубы, біноклі, фотавыстава. Ну і птушкі, канешне!

Хаця відаў было небагата, аднак парадавалі не толькі надзвычай прыгожыя і яркія праз трубы качкі-крыжанкі, але і шматлікія і галасістыя шпакі,і вялікая групка палявых вераб'ёў, якіяі амаль незаўважна капашыліся ў пошуках корму сярод рознакаляровых восеньскіх лістоў.

Як заўсёды, адразу ці праз нейкі час паглядзець на нашых агульных птушак пагаджаліся і падлеткі, і сем'і з дзеткамі, і бабулі з унукамі.

Агульны вынік назіраньняў мог быць і лепшы,аднак нечаканы дождж вымусіў скончыць іх раней, чым планавалася.

Птушкі:

Палявы верабей - 50

Качка-крыжанка - 30

Звычайны шпак - 80

Шызы голуб - 36

Чорнагаловы шчыгел - 10

Шэрая варона - 3

Грак - 1

Звычайная стрынатка - 1

Вялікая сініца -1

Людзі=удзельнікі +арганізатары: 47 дзетак + 69 дарослых