КАМЕНТАРЫ

Больш каментароў →

CLUB200

АПОШНІЯ ФОТАЗДЫМКІ

Суботняя вандроўка

02.08.2009 - 11:37 | Kiolk

     У гэту суботу выдалася магчымасць трошкі пападарожнічаць па Гарадзенскай вобласці, узброіўшыся трубой і біноклем я рушыз за птушкамі, але болей атрымалася назіраць цікавых краявідаў і мясцінаў, чым птушак. 

Маё падарожжа пачынаецца з невялічкага ціхага мястэчка ў Ваўкавыскім раёне - Воўпа, якое ўпершыню згадваецца ў 1492 годзе.

 

Старых будынкаў амаль не засталося, але дух даўніны прысутнічае на ціхіх вулачках Воўпы.
Як гэта не дзівосна, але праз мястэчка працякае невялічкая рачулка Ваўпянка.
Адразу за ўскрайкам пачынаецца цікавы луг.
Але і сюды дабраліся трактары(. Яскравы прыклад, неўстойлівасці сельскагаспадарчых монавідавых сістэм ў параўнанні з прыроднымі.
 
Трошкі бёдуотча.
Пасля мы завіталі ў цікавае мятсэчка Яблынова (Мастоўскі р-н), дзе знаходзяцца рэшткі касцела 18 ст. і зусім незаўважныя рэшткі маёнтка і парка Яблыношскіх. Цікавы артыкул пра гэту мясціну вы можаце прачытаць тут.
Пасля расповядаў пра ачышчальныя сажалкі Скідальскага цукровага завода я не мог не завітаць туды. Што за здзіўленне было, калі я пабачыў такі неверагодны колер вады. Пра пах можна толькі маўчаць.
Птушак было не шмат, у асноўным лыскі, крыжанкі і некалькі ныркоў-сівакоў, чубатых ныркоў, таксама нейкая цікавая маладая коўра, большая за малую, болей падобная да чырванашыйнай. З кулікоў пераважваюць кулікі-перавозчыкі і кулікі цякуны, таксама пачуў куліка-чарняка і некалькі кнігавак.
Сажалкі, даволі цікавыя мясціны, асабліва напэўна па вясне і ў восень.
 
На гэтым мая вандроўка скончылася, пакінуўшы прыемную стому, яскравыя карцінкі і пахі.
 

 

Каментары

Harrier - 02.08.2009 - 12:58

2Kiolk

Вада і праўда ўражвае сваім колерам...

А дзе ж здымкі птушак, асабліва цікавай і невызначанай коўры? Калі здымач мае аптычны зум не больш за 3 або 4, можна рабіць добрыя тэхнічныя фоты праз трубу. Або фільмікі - што яшчэ лягчэй, а потым выбіраць найлепшыя кадры і разглядаць дэталі для вызначэньня.  Паказаць "азы" дыджыскопінгу магу ў любы момант -я без яго ўжо не ўяўляю ніводнай экскурсіі на птушак.