Вясна ідзе – вяртаюцца птушкі

Як і ў мінулым годзе, сёлета мы будзем не толькі назіраць за прылётам нашых птушак, але і ўсе разам запаўняць табліцу прылётаў. Табліца размешчана тут: http://birdwatch.by/node/1303
У табліцы дзякуючы Вашым каментарам пад ёй і/або дадзеным з раздзелу Нашы назіранні будуць адлюстроўвацца тэрміны прылёту розных відаў для розных рэгіёнаў Беларусі. Калі ласка, для гэтага, акрамя назвы віду і даты, пішыце горад-раён (дзе адбылося назіранне) і хаця б ініцыялы назіральніка.

Віды, рэгістрацыя прылёта якіх магчымая, пададзены ў табліцы не ўсе. Але па меры неабходнасці іх можна будзе дадаваць у спіс. 
Вашыя заўвагі да зместу табліцы і яе выгляду вітаюцца.
Дзякуем за супольную працу!

На здымку Жоржа Гулеўскага шэрыя жураўлі вяртаюцца на Радзіму.

Comments

Пісаць можна або ў каментрарах пад табліцай, або - найлепш - як асобнае Назіранне ў Назіраннях. Вобласці-рэгіёны пад назвай абласных гарадоў размешчаны ў імаверным парадку пралёту-з'яўлення  большасці птушак-мігрантаў.

Нам уяўляецца, што будзе, напрыклад, так:

Палявы жаўрук:

Брэст 02-03; Гродна 03-03; Гомель 03-03; Мінск 05-03; Віцебск 06-03; Магілёў 07-03. А як насамрэч - паглядзім.

Да рэчы, здаецца рэгіянальныя мадэратары  -якія могуць самастойна зьмяшчаць Навіны - могуць дадаваць дадзеныя і ў табліцу.