Viasna-2024 2024

  • 12.10.2022 - 15:48 | Harrier
    У свежым нумары навуковага часопіса Ornis Polonica быў апублікаваны чарговы гадавы агляд Komisji Faunistycznej паведамленняў пра назіранні рэдкіх відаў птушак у Польшчы за мінулы, 2021 год. Праз нейкі час гэтая публікацыя стане агульнадаступнай на сайце камісіі.
  • 01.10.2022 - 00:46 | Harrier

    Шырокамаштабнае і доўгатэрміновае даследаванне, якое правялі навукоўцы з універсітэту Лунд (Швецыя), выразна паказала негатыўны эфект гарадоў на відавую разнастайнасць дзікіх птушак. Аказалася, што гарадзкія лясы насяляе нашмат менш відаў птушак у параўнанні з лясамі падобнага памеру і структуры дрэваў па-за гарадзкімі межамі.

  • 28.09.2022 - 21:43 | Harrier

    Даўно мінулі часы, калі з-за недахопу жывёльнага бялка жыхары краін Міжземнамор’я масава забівалі для ежы птушак-мігрантаў. Недахопу ў ежы ў рэгіёне няма як мінімум апошнія 50-70 гадоў, але маштабныя забойствы пралётных і зімуючых там птушак працягваюцца і легальна, і нелегальна. На жаль, гэта традыцыі, якія пакуль немагчыма цалкам перамагчы.

  • 25.09.2022 - 11:41 | Harrier

    Большасць альбатросаў ствараюць пары на ўсё жыццё, аднак больш палахлівыя і спакойныя самцы, якія пазбягаюць канфрантацый, маюць вялікія шанцы быць кінутымі партнёркай. Навукоўцы, якія знайшлі гэтую заканамернасць, кажуць, што ўпершыню ў дзікіх жывёл атрымалася звязаць асабовыя якасці з імавернасцю ‘развода’ партнёраў. 

  • 15.09.2022 - 16:36 | Harrier

    Добра вядома, што птушкі маюць выдатныя пазнавальныя здольнасці і дэманструюць высокі ўзровень разумовай дзейнасці. Калі параўнаць мозг птушак да мозгу звяроў такіх жа памераў, мозг птушак мае значна больш нейронаў. Нядаўняе навуковае даследаванне дапамагло зразумець як гэта магчыма – аказваецца, нейроны птушак расходуюць нашмат менш энергіі ў форме глюкозы для сваёй працы.  

  • 07.09.2022 - 22:58 | Harrier

    Чарговы Адкрыты чэмпіянат Беларусі па спартыўнай арніталогіі прайшоў у мінулую суботу з удзелам 10 каманд і парадаваў цудоўнай пагодай і выдатнымі вынікамі. Такім чынам, тройка лепшых выглядае так:

  • 03.09.2022 - 22:44 | Harrier

    Фінскія арнітолагі паведамілі, что самы стары, вядомы нам, караткахвосты паморнік (Stercorarius parasiticus) ізноў быў адзначаны на сваёй гнездавой тэрыторыі ў Фінляндыі гэтым летам і разам з партнёрам паспяхова падняў на крыло яшчэ адно птушанё.

  • 01.09.2022 - 21:47 | Harrier

    Вялікая міжнародная каманда навукоўцаў, якія прадстаўляюць розныя навукова-даследчыя ўстановы Партугаліі, Вялікабрытаніі і Фінляндыі, на працягу 5 гадоў вывучала розныя аспекты міграцыйных паводзін белых буслоў (Ciconia ciconia). Аказалася, што пад час восеньскіх пералётаў гэтых птушак дата пачатку міграцыі моцна ўздзейнічае не толькі на яе працягласць, але таксама на месца зімоўкі і, хутчэй за ўсё, на выжывальнасць буслоў.

  • 26.08.2022 - 19:15 | Harrier

    На сённяшні дзень малінаўка (Erithacus rubecula) лічыцца політыпічным відам, які прадстаўляюць 8 падвідаў. Але нядаўна было апублікавана падрабязнае навуковае даследаванне, якое прапануе ‘падняць’ статус двух падвідаў малінаўкі, якія насяляюць розныя астравы ў Канарскім архіпелагу, да відавога.

  • 24.08.2022 - 19:19 | Harrier
    Міжнародная каманда даследчыкаў, якую ачольвалі прадстаўнікі Max Planck Institute for Biological Intelligence, у шэрагу доследаў даказала, што дзятлы - адна з нямногіх груп птушак, якія адчуваюць салодкі смак. Аднак круцігалоўка, якая спецыялізуецца на харчаванні мурашамі, страціла гэтую здольнасць дзякуючы простай змене ў адным з рэцэптараў. Гэтыя вынікі дэманструюць невядомы раней механізм сенсарнай рэверсіі, якая дапамагае адаптавацца сенсарнай сістэме розных відаў да іх асноўнай ежы.
  • 21.08.2022 - 20:47 | Harrier
    У апошнія дзесяцігоддзі з’явілася шмат навуковых даследаванняў, якія адназначна сцвярджаюць значнае негатыўнае ўздзеянне свойскага ката на лакальную фауну. Аднак зусім няпроста аказалася змяніць паводзіны ўладальнікаў хатніх пітомцаў, якія прызвычаены выпускаць сваіх коцікаў “пагуляць”. Каб захаваць апошніх мясцовых жаўрукоў-смецюхоў, гарадзкія улады аднаго з нямецкіх гарадоў і ўвялі жорсткія, але часовыя абмежаванні на прагулкі катоў, якія зараз скончыліся.
  • 19.08.2022 - 14:49 | Harrier

    Марская чайка (Larus marinus), самы вялікі памерамі сучасны прадстаўнік сваёй групы ў Свеце, згодна з апошняй публікацыяй вялікай міжнароднай каманды арнітолагаў зменшыла сваю колькасць амаль на палову на працягу апошніх 40 гадоў.

  • 18.08.2022 - 17:01 | Harrier

    Міжнародная група даследчыкаў, якія працуюць у розных навуковых ўстановах Кітаю, ЗША і Германіі, апублікавала вынікі свайго шырокага параўнання афарбоўкі крылаў 1780 відаў птушак, якія прадстаўляюць 75% сучасных атрадаў. Аказалася, што ў каланіяльных відаў птушак унутраная паверхня крылаў афарбаваная ярка і кантрастна і гэта дапамагае ім пазбягаць сутыкненняў адна з другой.

  • 15.08.2022 - 01:41 | Harrier

    Каманда даследчыкаў з Complutense University of Madrid, Instituto de Investigación en Recursos Cinegéticos IREC, Ciudad Real (Гішпанія) і University of Groningen (Нідэрланды) зрабіла комплекснае параўнанне фізіялогіі птушанят белага бусла, якіх бацькі кармілі пераважна ежай са звалак ці пераважна прыроднай здабычай.

  • 13.08.2022 - 13:19 | Harrier
    Як звычайна, у першую суботу верасня - 03.09, адбудзецца Адкрыты чэмпіянат Беларусі па спартыўнай арніталогіі, які прынята коратка называць Birdrace (“гонка за птушкамі”). На працягу 12 гадзін, з 6 да 18.00, каманды па ўсёй краіне будуць адзначаць як мага больш відаў птушак. Нагадваем, што Правілы засталіся без зменаў і можна спаборнічаць у камандах з трох ці чатырох чалавек. Сёлета Чэмпіянат арганізуе біялагічны факультэт БДУ.