Viasna-2024 2024

  • 18.10.2012 - 18:02 | Harrier

    Эндэмік Самоа зубадзюбы голуб Tooth-billed Pigeon (Didunculus strigirostris) - адзін з найбольш блізкіх да вымерлага дронта сучасны від птушак – хутчэй за ўсё таксама знік. Адмыслова арганізаваная на яго пошукі экспедыцыя не змагла адзначыць ніводнай птушкі.

  • 13.10.2012 - 01:55 | Harrier

    Паводле новага навуковага даследавання, тэмп знікнення розных формаў птушак павялічваецца і дасягнуў непакоячага ўзроўню.

    Супольная праца прадстаўніка глабальнай асацыяцыі BirdLife International і калег з універсітэту Чарльза Дарвіна (Аўстралія) з’явілася он-лайн на старонках часопіса PLoS One.

  • 12.10.2012 - 18:10 | Harrier

    На мінулым тыдні ірландзкае графства Galway назаўсёды трапіла ў гісторыю бёдуотчынгу і арніталогіі. Справа ў тым, што менавіта тут упершыню для Ірландыі і Заходняй Палеарктыкі быў адзначаны каралеўскі тыранн Tyrannus tyrannus !

  • 12.10.2012 - 02:25 | Harrier

    Дзякуючы ДНК, атрыманаму з двух музейных экземпляраў вынішчанага каралінскага папугая Conuropsis carolinensis, навукоўцы выявілі яго сувязі з іншымі прадстаўнікамі атраду.

    Некалі шырока распаўсюджаны ад Фларыды да ўзбярэжжаў Антарыё, адзіны эндэмічны папугай Паўночнай Амерыкі, знік у пачатку 1920-х гадоў у вынікі няшчадных адстрэлаў, бо фермеры лічылі гэтых птушак шкоднікамі. Яго месцапражыванні, біялогія і пералёты ніколі не даследаваліся навукова. А магчымае таксанамічнае становішча было вызначанае па біяметрычным дадзеным з пазасталых у музейных калекцыях скурках.

  • 10.10.2012 - 01:09 | Harrier

     На апошнім паседжанні Таксанамічнага падкамітэту Камітэту па рэгістрацыях Брытанскага арніталагічнага звязу (Taxonomic Subcommittee of the British Ornithologists' Union's Records Committee) былі агучаны некаторыя доўгачаканыя і зусім нечаканыя змены ў таксанаміі птушак, якія акажуць значны ўплыў на Спіс птушак гэтай краіны. А калі будуць прынятыя больш шырокім колам арнітолагаў і з іншых краін, то стануць праз нейкі час абавязковымі і для нас.

  • 08.10.2012 - 01:13 | Harrier

    У мінулыя суботу і нядзелю больш за 64 тысячы дарослых і дзетак з 33 краін Еўропы і Сярэдняй Азіі назіралі за цудам міграцыі птушак. І хаця ў некаторых краінах у гэты час была адзначана кепскае надвор’е, атрыманыя вынікі ўражваюць.

  • 05.10.2012 - 23:41 | Harrier

    Чырвоныя фламінга (Phoenicopterus ruber) сталі апошняй ахвярай мясцовых паляўнічых на Мальце. Аднак гэта, на жаль, толькі адзін са шматлікіх прыкладаў нелегеальнага палявання, якое працягваецца на востраве.

  • 03.10.2012 - 21:31 | Harrier

    Востраў Гуам (ціхаакіянская тэрыторыя ЗША) перапоўнены павукамі. Новае даследаванне, апублікаванае ў часопісе PLOS ONE паказала, што ў сезон дажджоў агульная колькасць арахнід на гэтым востраве ў 40 разоў большая за колькасць павукоў на кожным з суседніх астравоў. Навукоўцы звязваюць гэта са знікненнем на востраве лясных насякомаядных птушак.

  • 03.10.2012 - 01:52 | Harrier

    Сойкі (Garrulus glandarius) дэманструюць “пластычную тактыку” пад час восеньскіх пошукаў ежы, пераключаючы яе з “запасання” на кражу ежы ў іншых соек.

  • 02.10.2012 - 13:34 | Harrier

     Кнігі, прысвечаныя птушкам Беларусі, на жаль, выходзяць у нас не штогод. Тым больш цікавай будзе свежая манаграфія, якая прадстаўляе вынікі шматгадовых даследаванняў і аховы драпежных птушак вельмі своеасаблівага рэгіёну – Віцебскага Паазер’я. Аўтар кнігі – Ўладзімір Валенцінавіч Іваноўскі, ганаровы сябра АПБ.

  • 01.10.2012 - 01:24 | Harrier

     Вялікі натураліст Альфрэд Рассэл Уоллэйс (Alfred Russel Wallace) за год перад сотай гадавінай смерці і 190-й гадавінай нараджэння з’явіўся ў Сеціве ў такой жа якасьці, як і яго сучаснік і калега Чарльз Дарвін.

    Абодва гэтыя джэнтэльмены незалежна адзін ад другога сфармулявалі тэорыю эвалюцыі шляхам натуральнага адбору, якую абвесцілі разам у ліпені 1858 году.

  • 29.09.2012 - 01:03 | Harrier

    Навукоўцы знайшлі, што два падвіды Свенсанавага дразда Catharus ustulatus застаюцца ізаляванымі адзін ад аднаго нават пад час міграцыі.

  • 28.09.2012 - 01:26 | Harrier

    Механізм палёту калібры назад без вялікага запатрабавання на гэта энергіі быў адкрыты і апісаны ў нядаўнім артыкуле, які з’явіўся ў часопісе Journal of Experimental Biology.

  • 26.09.2012 - 02:14 | Harrier

    Напярэдадні сёлетніх гонак за птушкамі – г.зн. у пятніцу, 7 верасня, аўтар гэтых радкоў разам з Андрэем Храмогіным упершыню назіраў малага баклана (Phalacrocorax pygmaeus). Адбылося гэта на новаствораным водасховішчы ў Гарадзенскім раёне прыкладна там, дзе рака Свіслач упадае ў Нёман. 

  • 25.09.2012 - 00:04 | Harrier

    Ужо традыцыйна, ў чацвёрты раз наш сайт Birdwatch.by мае магчымасць узнагародзіць аўтараў найлепшага рэпартажу і найлепшага здымку з чарговага Чэмпіянату па спартыўнай арніталогіі. Сёлета галоўны прыз прадстаўлены бельгійскімі бёдуотчарамі.