• 01.08.2009 - 10:04 | Harrier

         Адбылося гэтае адкрыццё ва ўнікальным біятопе: ў лясах на вапняковых гарах Паўднёва-Усходняй Азіі, далёка ад пасяленняў чалавека. Магчыма менавіта таму і атрымалася гэтым птушкам, якія атрымалі назву голатвары бюльбюль (Pycnonotus hualon), параўнальна доўгі час паспяхова пазбягаць кантактаў з даследчыкамі.
         Лысагаловая птушка была адзначана навукоўцамі з Wildlife Conservation Society (WCS) і ўніверсітэту Мельбурна (Аўстралія). Цікава, што гэта новы від бюльбюлей, апісаны ўпершыню за апошняе стагоддзе.

  • 31.07.2009 - 16:46 | Harrier

    У невялікім, але прыгожым горадзе на Гарадзеншчыне недалёка ад вадаёмаў у любімай зоне адпачынку жыхароў горада і яго гасцей па абапал цэнтральнай вуліцы ўсталяваныя дзве вялікія стылізаваныя драўляныя скульптуры, ў якіх лёгка можна пазнаць гусей.
    Цікава, што адна са скульптур знаходзіцца насупраць будынкаў калегіюму каталіцкага ордэна піяраў, дзе з 1785 на працягу двух гадоў выкладаў біялогію наш зямляк, будучы прафесар Віленскага ўніверсітэту і аўтар першых падручнікаў па заалогіі для школ Беларусі (першае выданне выйшла ў 1807г.) Станіслаў Баніфацы Юндзілл (1761 – 1847). Прыемна, што менавіта на Шчучыншчыне, з якой звязана частка жыцця двух самых славутых орнітолагаў, якія нарадзіліся ў Беларусі: заснавальніка беларускай орніталогіі графа Канстанціна Тызенгаўза (1786-1853) і акадэміка Тадэвуша Іваноўскага (Іванаўскаса) (1882-1970), заснавальніка літоўскай орніталогіі, з’явіліся такія своечасовыя скульптуры.

  • 31.07.2009 - 11:09 | Harrier

         Мясцовыя СМІ пішуць, што некаторыя гродзенцы бачылі ружовага голуба, які пасяліўся ў раёне ракі Гараднічанка, за будынкам гарвыканкама.
         Спецыялісты, аднак, сцвярджаюць, што ружовы голуб не мог апынуцца ў гэтых мясцінах. Як патлумачыў БелаПАН спецыяліст па прыродаахоўных пытаннях грамадскага аб’яднання «Ахова птушак Бацькаўшчыны» Сяргей Зуёнак, ружовы голуб — знікаючы від галубоў, занесены ў Чырвоную кнігу Міжнароднага саюза аховы прыроды. Лічыцца, што гэтыя птушкі водзяцца толькі на востраве Маўрыкій у Індыйскім акіяне. Пэўны час ружовы голуб знаходзіўся на мяжы знікнення і быў выратаваны дзякуючы намаганням спецыялістаў Джэрсійскага заапарка Джэралда Дарэла.

  • 30.07.2009 - 18:41 | Kiolk

         На сажалках у парку па па вуліцы Курчатава загнездавала і вывела птушанят чаротніца. Па сваёй прыродзе чаротніца даволі асцярожная птушка і зрэдку патрапляецца чалавеку на вочы, а тут яна загнездавала ў цэнтры гоарада, дзе наўкол цэлы дзень гудуць машыны і адпачываюць людзі.

  • 26.07.2009 - 00:30 | Harrier

        З мінулай пятніцы на працягу амаль двух наступных тыдняў у Інстытуце фармакалогіі і біяхіміі НАН Беларусі будзе працаваць фотавыстава “Нашы птушкі-2009”. Складаецца яна амаль з 50 найлепшых фотаработ сябраў АПБ (і не толькі) з Гродзенскага абласнога аддзялення АПБ, якія адлюстроўваюць не толькі шыкоўныя партрэты, але і цікавыя моманты з жыцця нашых пярнатых суседзяў.

  • 25.07.2009 - 23:59 | Harrier

        У мінулы чацвер сябры грамадзкай арганізацыі “Ахова птушак Бацькаўшчыны” (АПБ) разам з прадстаўнікамі СПК “Макараўцы” ўсталявалі паміж вёскамі Грайна і Ярмолічы па краях нізіннага балота на ўзбочыне шашы Гродна – Вялікая Бераставіца адмысловыя інфармацыйныя шчыты. Цяпер мясцовыя жыхары і госці Гарадзеншчыны могуць без цяжкасцей даведацца пра каштоўнасць тутэйшых прыродных тэрыторый.

  • 21.07.2009 - 00:35 | Harrier

    З 10 па 15 жніўня на базе Станцыі кальцавання птушак НАН Беларусі ў г.Тураве (Жыткавіцкі раён Гомельскай вобл.), ў адным з самых маляўнічых месцаў Беларусі адбудзецца навучальны летнік для студэнтаў, магістрантаў і аспірантаў – сябраў АПБ.
    Асноўныя мэты летніка – пазнаёміцца паміж сабой студэнтам з розных гарадоў, дапамагчы ў адлове і кальцаванні птушак, больш даведацца пра вызначэнне птушак (асабліва кулікоў). Акрамя гэтага, плануецца аднадзённае воднае падарожжа па Прыпяці, выраб і размяшчэнне ў Тураве і наваколлі сінічнікаў для белых сініц, праца па ўпарадкаванню дома АПБ у Тураве (дзе і будзе ладзіцца пражыванне ўдзельнікаў), а таксама дапамога ў ачышчэнні ТВП “Тураўскае балонне” ад хмызняку.

  • 18.07.2009 - 17:33 | Harrier

    Штогод мільёны стракозаў ляцяць тысячы кіламетраў над акіянам з Паўднёвай Індыі ў Афрыку. Гэта сцвярджае Чарльз Андэрсан (Charles Anderson) – біёлаг і незалежны даследчык з Мальдыўскіх астравоў, які адкрыў самы доўгі міграцыйны шлях, вядомы для насякомых. Калі гэта сапраўды так, гэта будзе першы вядомы навуцы рэгулярны пралёт насякомых над адкрытым акіянам.
    Адкрыццё прымушае памеркнуць знакамітыя міграцыі матылёў манархаў, якія лятаюць з Паўднёвай Канады на зімоўку ў Мексіку і назад, пераадольваючы штогод адлегласць каля 7 тысяч кіламетраў.

  • 17.07.2009 - 00:33 | Harrier

    Пасля таямнічай гібелі 9 малых блакітных пінгвінаў (Eudyptula minor) на працягу апошніх двух тыдняў на тэрыторыі нацыянальнага парку недалёка ад Сіднэя (Аўстралія), ўлады нанялі дзвюх прафесійных снайпераў ахоўваць пазасталых птушак з гэтай калоніі. Снайперы ўжо пачалі начное патруляванне тэрыторыі і атрымалі дакладныя інструкцыі наконт таго, як яны павінны дзейнічаць у розных сітуацыях.

  • 10.07.2009 - 13:12 | Harrier

         Сокалы-пустальгі і ў гэты, няпросты для іншых драпежных птушак год, вывялі сваіх птушанят у самым цэнтры Гродна на касцёле Адшуканьня Сьв. Крыжа (больш вядомы як касцёл бэрнардынаў). Касцёл уяўляе з сябе прыгожы вялікі будынак у стылі ранняга барока, пабудаваны ў XVI ст. (які потым не аднойчы перабудоўваўся ў два наступныя стагоддзі) і ўзвышаецца над наваколлем на высокім узгорку на прынёманскай тэрасе.

  • 07.07.2009 - 16:26 | Harrier

    Большасць людзей, зацікаўленых назіраннямі і вывучэннем птушак звычайна мяркуе, што пазастала не вельмі шмат шанцаў, каб апісаць новы від птушак. Тым часам меркаванне гэтае даволі памылковае, бо штогод апісваецца па некалькі відаў сучасных і выкапнёвых відаў, дагэтуль не вядомых навуцы. Калі ж задумацца над магчымасцямі палеантолагаў, трэба ўспомніць, што птушкі распаўсюджаны на нашай планеце ўжо прыкладна 150 мільёнаў гадоў, і ў мінулым гэтая група жывёл была не менш (калі не больш) шматлікай, чым цяпер. Вывучэннем мінулага птушак, іх эвалюцыі і ўзаемных сувязяў займаецца палеоорніталогія. Штогод у розных палеоанталагічных часопісах з’яўляюцца артыкулы, прысвечаныя апісанню новых выкапнёвых відаў птушак.

  • 29.06.2009 - 23:46 | Harrier

    Наталья Голицына (Лондон)

    В Великобритании развернута массовая кампания против закрытия радиостанции "Birdsong" ("Птичья песнь"), передававшей только пение птиц. Она просуществовала полтора года, успев завоевать аудиторию в полмиллиона человек.

    Ранее на частоте "Birdsong" работала радиостанция "One Word", специализировавшаяся на разговорном жанре. Её постоянная аудитория была втрое меньше.

  • 29.06.2009 - 00:16 | Harrier

    Кіты ля ўзбярэжжаў Аргенціны займелі новага ворага – чаек. Вялікія марскія чайкі навучыліся харчавацца на кітах – яны сядаюць на іх спіны і выдзіраюць дзюбай кавалкі скуры і ворвань (падскурны тлушч). Такога не ўбачыш больш нідзе на Свеце.
    Першыя атакі вакол паўвострава Вальдэс былі адзначаны яшчэ 35 год таму, але сістэматычнае вывучэнне гэтай незвычайнай з’явы пачалося толькі нядаўна. Доля кітоў, якіх атакавалі чайкі, вырасла з 1% ў 1974г. да 78% цяпер.
    Чайкі паступова паглыбляюцца ў ворвань кітоў. “Можна ўбачыць параўнальна вялікія адкрытыя раны, ў якія пранікае інфекцыя.” – так апісаў вынікі нападаў чаек Роджэр Пэйн (Roger Payne) з арганізацыі Ocean Alliance. “Некаторыя з ранаў маюць да паўметра даўжынёй і іх краі выглядаюць як сляды ад тысяч ўкусаў”.

  • 24.06.2009 - 20:03 | Harrier

    Знойдзеннае месца гнездавання займаецца сокаламі і сёння. Такім чынам гэтае гняздо – самае старое, знойдзенае для драпежных птушак. Тры другіх гнязда гэтых самых вялікіх у Свеце сокалаў, якім больш за 1000 гадоў, таксама знойдзеныя на Грэнландыі. На адным з іх знойдзены пер’я птушкі, якая займала яго больш чым 600 гадоў таму.
    Тым не менш, орнітолагі мяркуюць, што пацяпленне клімату можа хутка выгнаць сокалаў з іх “старажытных” наседжаных месцаў.

  • 24.06.2009 - 16:39 | Harrier

    Сямейная сцэнка сям’і дропаў з птушанём не назіралася ў Вялікабрытаніі з 1832. І вось, у пачатку чэрвеня 2009 г. адразу дзве самкі гэтага глабальна пагражаемага віда птушак паспяхова вывелі птушанят. Гэтая радасная навіна з вялікім уздымам была ўспрынята камандай навукоўцаў і валанцёраў, якая на працягу некалькіх апошніх гадоў прыкладае вялікія намаганні, каб вярнуць на гнездаванне самую цяжкую лятаючую птушку Свету. Для мераў бяспекі месцазнаходжанне гнёздаў трымаецца ў сакрэце.