Нашы назіранні

  • Пустальгі ў Брэсце

    19.06.2009 | biot

    Некалькі месяцаў назад змяніў свае места жыхарства ў Брэсце і перабраўся з Цэнтра на Кіеўку. Так выйшла, што стаў жыць каля інтэрнату, дзе ў прошлым годзе сябрамі Заходне-Палескага аддзялення АПБ былі ўсталяваны штучныя скрыні для пустальгі. Кожны дзень мог я назіраць, як сокалы разам лёталі, потым, як дарослыя птушкі прыносілі птушанятам ежу.  Падыйшоў час кальцаваць малых.

    Чытаць далей
  • 17-06-2009: Русота – Атака на гняздо перапёлкі

    17.06.2009 | Harrier

    Сёньня другі дзень вадзіў студэнтаў-другакурсьнікаў на практыцы. Ўчора капітальна змоклі ўсе – і зьверху (бо цэлы дзень ішоў споры дождж), і зьнізу – по прыйшлося хадзіць па размытых сельскіх і палявых дарогах. Сёньня пашанцавала, і 2 хвіліны дожджыку на пры канцы экскурсіі былі сустрэты шэлестам хутка апранутых накідак з цэлафану. Аднак насамрэч яны не спатрэбіліся.
    Адзіным цікавым відам, які атрымалася адзначыць у нечаканым месцы – палявы сьвірстун на даху трансфарматарнай будкі у разьвілкі чыгункі і адыходу азотаўскага яе адгалінаваньня. Некалі (а можа і цяпер?) ў вентыляцыйнай адтуліне гэтай пабудовы штогод гнездавалі пустальгі, але сёньня адзначыць іх нам не пашчасьціла. За тое сьвірстуна ды іншых 50 відаў (за два дні) паглядзець і часам паслухаць атрымалася.

    Чытаць далей
  • 15-06-2009: мой квадрат-2

    15.06.2009 | Harrier

    Як хутка ляціць час! Вось і праляцеў месяц з майго перашга візыту на квадрат каля Юзэфоўкі (падрабязьней гл. тут: http://www.birdwatch.by/naziranni/247 )
    За гэты час тут адбыліся заўважальныя зьмены – люцэрна ўжо скошана, азімыя пшаніца і трыцікале падняліся і квітнеюць у полную сілу (менавіта ад гэтай пыльцы я сёньня некалькі разоў праціраў вочы, якія ўвесь час часаліся…). Толькі кукуруза, якая пераважая на большай частцы квадрату, расьце павольна і не паднялася больш за 15-25 см.
    Адбыліся зьмены і ў птушыным складзе і колькасьці. Жаўрукоў, на першы погляд, засталося таксама шмат, як і месяц таму. А вось іншых птушак стала больш: жоўтых плісак, лугавых ерчыкаў і нават кнігавак. Шэсьць з іх з крыкамі ляталі нада мной, а яшчэ каля 40 птушак пераляталі шчыльнай групкай збоку. Аб’ядналіся ў групы па некалькі птушак і шчыгелы (новы від на квадраце), але маладых птушак я сярод іх не заўважыў.

    Чытаць далей
  • Могілкі Маларыты

    10.06.2009 | biot

         Прыехаў дадому ў Маларыту. Сення здаваў экзамен, праз некалькі дзен зноў тое самае, таму глядзець на птушак атрымоўваецца не вельмі часта і часцей запланавана, чым выпадкова. Калі ж сустрэчы загадзя не плануеш, усе значна цікавей!

         Не гледзячы на тое, што зараз летняя пара, я такі умудрыўся захварэць і зараз размаўляю “праз нос”,  тэмпературу (напэўна, няма такога слова ў беларускай мове, прабачце!), вяду бойку з галаўным болем і ў вогуле адчуванне не з лепшых, якія мне давадзілася адчуваць...

    Чытаць далей
  • Грайна, 06-06-2009: Першыя з сёлетніх ўлікаў вяртлявай чаротаўкі

    07.06.2009 | Harrier

        Першы за доўгі час дзень без дажджу было вырашана прысьвяціць улікам вяртлявай чаротаўкі на ТВП “Гарадзенская Сьвіслач” (=Грайна). Калі ж быць больш дакладным – нават не дзень, а вечар. Бо адпаведна з асаблівасьцямі біялёгіі гэтай птушкі, самцы якой сьпяваюць звычайна ўвечары, падлічваць іх трэба менавіта па песьні, пачынаючы за адну гадзіну да захаду сонца і заканчваць адну гадзіну пасьля.

    Чытаць далей
  • Рыбгас "Трэмля"

    07.06.2009 | Pandion

        Сення з раніцы яшчэ быў на рыбгасе "Трэмля" што ў Петрыкаўскім раёне Гомельшчыны. Рыбгас не вельмі буйны, калі параўноўваць напрыклад з "Белым" ці "Чырвонай слабадой", дзе я зараз і знаходжусь. Але на яго ставах можна паназіраць шмат за якімі рэдкімі птушкамі. Есць у яго і свае адметнасці. Ізюмінкай "Трэмлі" з'яўляецца марадунка Xenus cinereus, гэтаксама як напрыклад луток для "Белага".

    Чытаць далей
  • Рыбгас "Чырвоная Зорька"

    04.06.2009 | Pandion

        Сення праводзіў улікі на ставах рыбгаса "Чырвоная зорька" што ў Жыткавіцкім раёне.  2/3 ставаў не вельмі цікавыя, мабыць зза таго што іх спачатку патравілі раундапам, потым частку расліннасці выкасілі, а некаторыя пруды увогуле пабаранавалі. Акрмя таго яны да гэтай пары запоўнены толькі на палову . . . 

    Чытаць далей
  • 30-05-2009: сажалкі “Азота” ў Беражанах – гогалі і чорныя буслы

    31.05.2009 | Harrier

        Пасьля абеду ўпершыню на амаль сваёй машыне мы дабраліся на Беражаны. Разам з Сарокай і Перавозчыкам, з двума трубамі і шчанючком вырушылі на птушак. Аднак надвор’е было дзіўным. Сьпякотнае сонца рэзка зьмянялася на хмары, моцны вецер і дождж. За прыкладна 2 гадзіны там прайшлі 2 моцных і 10-15 дробных дожджычкаў. Таму ў пачатку другога моцнага дажджу ўсе, акрамя мяне вярнуліся ў машыну, і я працягваў назіраньні ўжо адзін.

    Чытаць далей
  • Дык што ж ядуць шпакі?

    29.05.2009 | Harrier

    У папярэднім назіраньні я далучыў кадр з фільміка са шпаком, які трымае нешта незразумелае ў дзюбе. Тут дадаю больш здымкаў, каб было лягчэй вызначыць - што ж гэта? Загадзя дзякую за камэнтары-здагадкі.

    Чытаць далей
  • 26-05-2009 Паўднёвы-В.Альшанка-Фабрычны

    28.05.2009 | Harrier

    Недалёка ад канцавога прыпынку 21га аўтобуса зусім блізка ад мяне каля агароджы сьвежазбудаванага дому самец канаплянкі ганяў другога самца. Часам сьпяваў з агароджы і лятаў за самачкай. Мая труба прыцягнула ўвагу гаспадара дому, ён выйшай спытаць што тут будуць будаваць яшчэ (амаль тыповая рэакцыя на тэлескоп…). Я сказаў, што дарог у іх і так хапае і паказаў у трубу канаплянку. Ён здзіўлена паведаміў, што ніколі не бачыў птушак так зблізку і распавёў пра свае назіраньні птушак навакольля.

    Чытаць далей