Віншуем Вадзіма Пракапчука і Валеру Дамброўскага з нядаўнім папаўненнем у іх сем’ях. У Вадзіма нарадзіўся сын, у Валеры – дачка.
Вадзім адзін з найлепшых спецыялістаў па сінантропных відах соў, даўні і зацікаўлены бёдуотчар, сябра Центральнага Савету АПБ, намеснік Старшыні Брэсцкага абласнога аддзялення, трохразовы пераможца (у складзе каманды “Peregrinus”) адкрытых чэмпіянатаў Беларусі па спартыўнай арніталогіі, паляўнічы, хуткі і трапны каментатар усіх важных падзей. Валера – адзін з найлепшых спецыялістаў па драпежных птушках, пад яго кіраўніцтвам і непасрэдным удзеле стаў вядомы сапраўдны памер і стан папуляцыі малога і вялікага арляца ў Беларусі, а таксама некаторых іншых відаў Сокалападобных. Ён неаднаразовы прызёр (у складзе каманды “Aquila”) адкрытых чэмпіянатаў Беларусі па спартыўнай арніталогіі. Спадзяёмся, што павелічэнне штодзённых клопатаў у сувязі з нарадженнем дзетак не перашкодзіць ім у назіраннях птушак і он-лайнавай актыўнасці. Сябры і калегі- 14.03.2009 - 01:22 | Harrier
- 12.03.2009 - 18:49 | Harrier
Віншуем усіх беларускіх бёдуотчараў!
Сёння было зарэгістравана і створана наша дамэннае імя: BirdWatch.by Цяпер не засталося фармальных перашкодаў для пачатку працы нашага сайта. Але пакуль засталіся тэхнічныя: распрацоўка і давядзенне “да зручнасці” ўсіх мяркуемых старонак, напаўненне кожнага з раздзелаў адпаведным зместам.Шмат што ў хутчэйшым афіцыйным адкрыцці сайта цяпер залежыць ад нас. Таму размяшчайце свае назіранні і фотаздымкі, дасылайце мадэратару на адрас: tyteishi@gmail.com навіны і абвесткі, апісанне тых месцаў, дзе вы любіце назіраць птушак і іх відавыя спісы, каментуйце нязручнасці і неадпаведнасці функцый і раздзелаў, прапануйце свае рашэнні і г.д. Разам мы хутчэй зробім сайт інтэрактыўнай пляцоўкай для он-лайнавых сустрэч тых, хто любіць назіраць птушак у Беларусі і за яе межамі.
Разам – для птушак і людзей! Дзьмітры Вінчэўскі - 11.03.2009 - 14:34 | Harrier
Гродзенскае абласное аддзяленьне АПБ запрашае ўсіх ахвотных на першую са штонядзельных экскурсій для назіраньняў за птушкамі вакол Горадні. На апошняй Радзе аддзяленьня было вырашана, што сябры АПБ і любыя жадаючыя змогуць далучацца да спецыяльна арганізаваных эксурсій, якія будуць праводзіцца КОЖНУЮ нядзелю.
- 07.03.2009 - 17:00 | Kiolk
“Жывая вясна” – гэта кампанія, у якой прымаюць удзел дзеткі і падлеткі па ўсёй Еўропе. Мэтададзенага праекту – сабраць дадзеныя як мігрыруючыя птушкі вяртаюцца ў Еўропу. Даволі простыя назіранні, якія зроблены вялікай колькасцю людзей – гэта вялікая крыніца інфармацыі пра міграцыі птушак, іх асноўныя рысы і змены ў іх характары, якія адбываюцца штогод. Галоўная перавага кампаніі “Жывая Вясна” над іншымі даследаваннямі ў тым, што ў гэтай акцыі вялікая колькасць удзельнікаў будзе прадстаўляць дадзеныя з усёй тэрыторыі Еўропы.
- 05.03.2009 - 23:52 | Harrier
Менавіта сёння на сайце радыё "Рацыя" з'явілася інфармацыя пра назіранне горнага свірстуна недалёка ад Горадні.
Аднак гэта не адзіны СМІ, які зацікавілі птушкі і назіранні за імі.
Сёння я распавёў пра абставіны рэгістрацыі ды яе сэнс моладзеваму гарадзенскаму інтэрнет-радыё "Твой стыль". Абяцалі ў панядзелак зьмясціць у сваім эфіры. Да гэтага менавіта сайт www.t-styl.info напісаў пра прылёт першых пералётных птушак на Гарадзеншчыну, выкарыстоўваючы інфармацыю менавіта з нашага сайта.
Больш рэгістрацыі цікавых і розных!
КАМЕНТАРЫ