Чорны грыф у Егіпце

Дакументацыйныя здымкі

Наш перадапошні дзень у Егіпце падарыў шмат цікавых сустрэч. Але самай цікавая адбылася на прыканцы, калі замораныя гарычынёй і недасыпам, мы не так уважліва глядзелі навокал на ачышчальных сажалках Шарм Эль-Шэйха. Я дык увогуле схаваўся ў цень пад будынак адной з насосных станцый і спрабаваў разглядзець свіргулёў (якія аказаліся белабрухімі). І тут брат паклікаў мяне да трубы - на адной з дамбаў сядзеў ... чорны грыф (Aegypius monachus)! Яго характэрная галава з доўгай шыяй выглядвала з-за адной з дамбаў.

Хутка грыф узняўся ў паветра і вялікім паветраным змеем, не рухаючы шырачэзнымі і доўгімі крыламі, стаў падымацца над намі...

Не верыцца, што гэты від не так даўно залятаў нават у Беларусь.

02-2014, Sharm El Sheikh, Егіпет

Аўтар - Дзьмітры Вінчэўскі