Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Дразды-піскуны па-вясноваму

Дакументацыйныя здымкі

Учора я спачатку пачуў, а потым убачыў чародку з прыкладна 50 драздоў-піскуноў (Turdus pilaris).Яны пераляталі з дрэва на дрэва на беразе Нёмана, але, здаецца, нічога не елі на іх. Рабін тут няма, а тую, што была ў дварах - даўно з'елі.

І хаця на некаторых дрэвах было шмат амялы, пэўна ягады з яе ўжо былі з'едзены тымі ж драздамі і амялушкамі, якіх таксама бачыў тут раней. 

птушкі

Таму чаго яны прыляцелі і трымаюцца гэтага месца, мне было не зразумела. Ажно з крыкамі - магчыма, каб дзейнічаць яшчэ больш упэўнена, адна за адной усе птушкі апусціліся на гарызантальна выраўнены схіл з нізкай травой і пачалі ... шукаць чарвякоў!

А чаго цягнуць - цёпла і без снега - самы час пачаць пераходзіць з вегетарыянскай ежы на мясную:

https://youtu.be/sKtdWJsrzeA

Сёння каля абеду ізноў убачыў тых жа драздоў з той жа тактыкай - чаканне на навакольных дрэвах  і потым харчаванне на гэтым жа і суседніх схілах. 

01 і 02.02.2020, Горадня.

Аўтар - Дзьмітры Вінчэўскі