Шэрыя курапаткі: Самцы на ахове сям'і

Нешмат ёсць відаў курыных, у якіх за птушанятамі даглядаюць і самка, і самец.

Тым больш было цікава ўбачыць калі мы чарговы раз заехалі ў асушаную пойму Свіслачы каля Водлы, як два самцы шэрых курапатак (P. perdix) метрах у 300 адзін ад аднаго паказалі аднолькавыя паводзіны.

Яны не хаваліся ад нас (мы былі ў аўтамабілі) і былі выразна бачныя сярод кароткай расліннасці - спецыяльна адцягвалі нашу ўвагу ад самкі з птушанятамі. Мы апошніх і не шукалі - карысталіся смеласцю самцоў, і ні самак, ні птушанят не бачылі.

Паступова самцы нехутка адбягалі, прыпыняючыся і правяраючы - ці мы раптам не перавялі сваю увагу на самак з малымі? Але зразумела, што гэта не было нашай мэтай і праз хвіліны 2-3 у расліннасці скрыліся і самцы:

https://youtu.be/1CYghthiO_M

Бераставіччына, 31-05-2020

Аўтар - Дзьмітры Вінчэўскі