Звычайныя рудахвосткі: Яркія пары

У адрозненне ад сваіх лепш заўважных і 'гарадзкіх' крэўных - рудахвостак-чарнушак - звычайныя рудахвосткі (Phoenicurus phoenicurus) больш любяць цішыню і дуплістыя дрэвы ў старых садах, парках і лясах.

У адным з даўно засвоеных, але не да канца, яраў не так далёка ад сучасных берагоў Нёману гэтыя птушкі маюць і старыя дрэвы ў садзе,і старыя клёны побач. Таму на плошчы каля гектара тут зараз іх тры пары.

Пары толькі ўтвараюцца - бо птушкі і прыляцелі не так даўно, таму можна спакойна назіраць і за больш яркімі самцамі, і за больш элегантнымі, але не менш прыгожымі самкамі.

Зусім нечакана для мяне адна з самак вырашыла памыцца ў невялічкай рындзе - яна няправільна зроблена, без нахілу, і ў ёй пасля дажджу засталася вада.

https://youtu.be/iyAFvF0aIG8