Вялікая сям'я

Дакументацыйны здымак

Мая першая васьмёрка малых лебедзяў-шыпуноў (Cygnus olor).

Хаця некаторыя калегі кажуць, што такая колькасць птушанят у шыпуна - не рэдкасць, я сустрэў такую васьмёрку ўпершыню.

Адбылося гэта пад час заалагічнай практыкі са студэнтамі нашага біяфаку, прычым я пасля трэцяй спробы падлічыць птушанят вырашыў, што іх усё ж сем і не правяраў амаль месяц зробленыя там здымкі.

Аднак з наступнай групай, прыкладна праз 10 дзён усё тая ж сям'я плавала адразу пад вадаспадам і выйсцем Ласасянкі з вадасховішча ўжо падрослай і менш звартым шыхтам, што без праблем дала магчымасць налічыць восем лебедзятаў.

02-07-2016, вадасховішча Юбілейнае, Гарадзеншчына.

Аўтар - Дзьмітры Вінчэўскі