Малы арлец і сенакос

Дакументацыйныя здымкі і відэа

На прыканцы траўня пачынаецца сезон маштабнага скашвання шматгадовых траў. У некаторых месцах, асабліва ў асушаных поймах рэк, гэтыя палі аграмадныя. І калі пачынаюць скашвацца, то прыцягваюць увагу разнастайных і шматлікіх драпежнікаў: ад лісіц і белых буслоў, да вялікіх белых і шэрых чапляў і драпежных птушак.

Найбольш любяць лавіць палёвак, якія раптоўна апынуліся ў складаным становішчы і амаль адкрыта вымушаны перамяшчацца паміж норкамі і травой, чорныя каршуны і малыя арляцы. Але пакуль што мы сустрэлі на скошаным толькі аднаго малога арляца (Aquila pomarina) пасля маштабнага сенакосу ў пойме Свіслачы ля Водлы - ён, як гэта яны любяць, спрабаваў паляваць на мясцовых грызуноў пешкі.

Звычайна яны не вельмі баяцца аўто і тады б можна было б засняць і працэс палявання, і саму птушку бліжэй, але пад'ехаць не атрымалася, а чалавека яны баяцца і адлятаюць здалёк, падымаючыся на знойдзеным тэрміку вышэй і вышэй.

https://youtu.be/FYzErRbKHwI

25-05-2020, Гарадзеншчына

Аўтар - Дзьмітры Вінчэўскі