Гарадзкія ластаўкі: (не)Капуляцыя

Дакументацыйныя здымкі і відэа

Ёсць у Гродна ўнікальнае месца, якое я наведваю амаль штодня.

Гэта комплекс будынкаў былога Гродзенскага піўзавода - ці бровара - каму як падабаецца.

З-за таго, што будынкаў і розных прыбудоў да іх шмат, захаваліся старыя дрэвы і частка агароджы даўно зарасла кустамі бузіны ды іншымі, тут сустракаецца вялікая колькасць відаў птушак, прычым параўнальна шчыльна адзін да аднаго. 

Тут можна адначасова (!) убачыць тры віды нашых ластавак і чорных свіргулёў.

І вось тут я ўпершыню назіраў за спробай самкі гарадзкой ластаўкі (Delichon urbica) прымусіць самца да капуляцыі. Нічога падобнага ў ніводнага віда ластавак я не бачыў, таму даволі агрэсіўныя паводзіны самкі здзівілі:

https://youtu.be/a2fbK2SPa7A

Хутчэй за ўсё добра заўважнае адрозненне ў таўшчыні самкі і самца ёсць амаль сфармаванае яйка ўнутры самкі, адрознівалася яна (ці іншая самка) знешне і потым.

На наступны дзень паводзіны з прымусам да капуляцыі паўтарыліся прыкладна ў той жа час увечары ў тым жа месцы на даху аднаго з будынкаў былога бровара. Толькі .спроба працягвала хутчэй, але скончылася таксама безпаспяхова.

07 і 08-06-2020, Гродна

Аўтар - Дзьмітры Вінчэўскі