Сняжуркі -мой новы від

 Дакументацыйны здымак і відэа

Сняжуркі (Plectrophenax nivalis), каля в. Літвінкі, Гарадзеншчына.

07-04-2013

Аўтар - Дзьмітры Вінчэўскі

Падрабязьней пра гэту сустрэчу тут:

http://birdwatch.by/node/6045    

Фактычна ўсю зіму  - а яна сёлета выдалася сьнежная і доўгая, я меў надзею ўбачыць новы для сябе від- сняжурку . Аднак зіма то наступала, то  адступала, мы  выязджалі штотыдзень і пільна ўглядаліся ў птушак, якія харчаваліся на ўзбочынах гарадзенскіх дарог, але сняжурак усё не было. Учора, пад час нашай чарговай выправы на машыне на птушак вакол гораду я жартам  сказаў сябрам-бёдуотчарам: "Сёньня наш апошні шанец убачыць сняжурак"

Як ні дзіўна, гэта падзейнічала! Яшчэ здалёк мы ўбачылі ў полі на сьнезе вялікую групу птушак, прыкладна 160-200 асобін, якія нешта там зьбіралі. Глянуўшы на іх праз  шыбу машыны ў бінокль, сумненьняў не засталося - бела-чорныя птушачкі- сняжуркі! Часам народныя назвы нашых птушак нам ужо незразумелыя або, на наш погляд, не вельмі да іх пасуюць. Але гэтая назва адпавядае гэтаму віду як найлепш.

Мы сталі з Сяргеем С. падбірацца да птушак, каб не толькі лепш разглядзець іх у трубы, але і  зьняць. Часткова гэта ўдалося. але пад час шматлікіх перамяшчэньняў птушак, атрымалася скласьці ўяўленьне пра іх знешні выгляд: у палёце яны выглядалі як мініятурныя чайкі - вылучалася белае цела з чорнымі канцамі крылаў. Калі ж сняжуркі ляцелі на фоне яркага блакітнага неба, то выглядалі цалкам белымі "анёлкамі", з якіх сыходзіла сьвятло.

Даўно я не памятаю такіх глыбокіх  пазітыўных уражаньняў ад новага віду птушак.

http://youtu.be/XInObXFtk5w