Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Першыя маладыя шпакі

Ну вось і выляцелі першыя маладыя сёлетнія шпакі (Sturnus vulgaris). 

У апошнія дні шпакоў стала чуваць амаль паўсюль - рэзкія крыкі, а дзе-нідзе і старыя-новыя песні з абрыўкамі галасоў авяльгі і іншых відаў, якія ізноў пачалі выконваць дарослыя птушкі, наводзілі на падазрэнні, што маладыя або ўжо выляцелі, або вось-вось выляцяць.

І вось сёння на беразе Гараднічанкі з высокай травы выйшлі першыя для мяне караткахвостыя і светла-карычневыя маладыя шпакі. Разам яны асабліва не трымаліся, адзін хутка знайшоў і схапіў нейкага жука, а потым і нешта дробнае і пэўна, неядомае.

А праз хвіліну дарослы шпак прынёс і акуратна паклаў у шырока раскрытую дзюбу аднаго з маладых цэлую порцыю ежы і адляцеў за новай.

Сапраўды самастойнае жыццё яшчэ не пачалося, але многае маладым шпакам ужо можна і яны робяць самастойна.

26-05-2021, Гродна

Аўтар - Дзьмітры Вінчэўскі

 

Каментары