Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Малы і Вялікі

Нячаста атрымліваецца наўпрост параўнаць памеры дзікіх птушак, бо яны нячаста сядаюць паблізу адна адной - калі гэта, канешне, не драпежнік і яго ахвяра.

Увечары насупраць дома,дзе я жыву, лілася ручаінкай звонкая песня еўрапейскага ўюрка (Serinus serinus),і хаця было ўжо цемнавата для добрага здымка, і сядзеў ён высока - на вяршаліне бярозы, я вырашыў паглядзець праз фокус камеры як гэта выглядае.

А побач з ўюрком аказаўся вялікі голуб (Columba palumbus) - таксама на вяршаліне бярозы! Ён не 'спяваў' сваю хутчэй савіную песню, а проста сядзеў і ўглядаўся ў наваколле.

Памеры птушак адна насупраць другой мяне ўразілі - настолькі уюрок быў малы ў параўнанні з галубом і я вырашыў зрабіць некалькі здымкаў. Самыя ўдалыя з іх - ніжэй. 

Абодва віды не так даўно з'явіліся ў нашых паселішчах, дзе сталі звычайнымі яшчэ больш нядаўна. 

09-07-2020, Гродна

Аўтар - Дзьмітры Вінчэўскі