Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Сокал-пустальга: Паляванне ў горадзе

Сокал-пустальга

Дакументацыйныя здымкі

Хаця сокал-пустальга (Falco tinnunculus) ужо параўнальна доўгі час застаецца адзіным відам сакалоў, якія гняздуюць у нашых гарадах, аднак убачыць іх паляванне ў межах гарадоў усё ж яшчэ нялёгка. У адрозненне ад краін Цэнтральнай і Заходняй Еўропы, дзе і гнездаванне і паляванне 'над газонамі' - даволі звычайная справа.

Цяжка сказаць - у чым прычына падобных адрозненняў. Магчыма, што у нас параўнальна меншая даступнасць для гэтых птушак грызуноў і вераб'іных птушак - іх асноўнай здабычы. Аднак не ў параўнанні з 'заходнімі' гарадамі, а з сельскагаспадарчымі тэрыторыямі навокал нашых гарадоў, дзе ў асноўным і палююць нашы сокалы. Тым больш большасць гнёздаў пустальгі размяшчаюць як раз недалёка ад падобных тэрыторый палявання.

Аднак бываюць і выключэнні - як раз з такім я сустрэўся ў цэнтры гораду, калі самец завісаў-паляваў на рознай вышыні над скошанай расліннасцю замкавых пагоркаў. Раз за разам ён мяняў пазіцыю і вышыню, мяняючы абрысы крылаў і вугал іх выкарыстання, хвост-балансір жа ўвесь час заставаўся раскрытым і амаль у той самай пазіцыі. Сокал рабіў нядоўгія перапынкі ў энергаёмкім завісанні, пад час якіх адпачываў сярод густых галін дрэваў, якія растуць па краю пагоркаў. Аднак за прыкладна 15 хвілін так і не злавіў нічога і адляцеў некуды ў цэнтр гораду.

Гродна, 02-06-2022

Аўтар - Дзьмітры Вінчэўскі

Глядзець самастойна за жыццём 2х сем'яў сокала-пустальгі з Брэста можна LIVE 24h тут:

https://birdwatch.by/pustalga-brest2022

Каментары