Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Вялікія савукі VS чайкі

Дакументацыйныя здымкі

Прайшло троху больш двух тыдняў з таго моманту, як я ўпершыню назіраў за абаронай двойкі маладых вялікіх савукоў (Mergus merganser) ад чаек у цэнтры гораду на астраўках сярод Нёмана. Ад дарослых самак іх яшчэ можна адрозніць па светлай палосцы над аснаваннем дзюбы, пад вокам, усе іншыя рысы і нават памер ужо не дапамаглі б іх адрозніць "у полі".

І вось новая сустрэча. Але ці тыя гэта птушкі? І хаця абедзьве з яшчэ заўважнай светлай палоскай над дзюбай = маладыя, адна выглядае яўна большай памерамі і старэйшай (?) за другую. І менавіта ў яе нейкая праблема з адным з крылаў - яно амаль пастаянна звісае і невядома, ці гэты савук можа лятаць.

З іншага боку, з восені да вясны я назіраў за дарослай самкай вялікага савука ў гэтых жа мясцінах, у якой была яўна большая праблема з крылом, аднак яна паспяхова рыбачыла і выжыла ў больш цяжкі зімовы час.

Так ці інакш, абодва савукі стараліся трымацца разам. І яшчэ іх адрознівала ад папярэдніх двух маладых птушак са жніўня яўна большая агрэсіўнасць да чаек - нават калі тыя толькі нейкім чынам спрабавалі пырзямліцца побач. Пэўна папярэдні досвед сутыкненняў дазволіў ім выбраць гэтую тактыку - не чакай нападу, нападай першым. 

Савукі смешна пілі воду, высока задзіраючы дзюбу, чысціліся і нават паспалі на астраўках.

Што было з імі потым, глядзіце фота-серыю ТУТ 

Нёман у Гродна, 12-13.09.2020

Аўтар - Дзьмітры Вінчэўскі

__________________________-

Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.