Зелянушкі і хмель

Піўзавод - нават і ўжо даўно былы, павінен адрознівацца ад наваколля не толькі старым плотам і будынкамі, але яшчэ і нечым, што б безпамылкова нагадвала пра бровар і піва)

Таму хмель, які у другой палове лета выкарыстоўвае навакольныя дрэвы і залязае па іх усё вышэй і вышэй, а потым да восені прыемна вылучаецца формай лістоў і арыгінальнымі пладамі, не дае забыць пра даўно мінулую славу і параўнальна нядаўнія няўдачы гэтага месца. А можа і вырас як раз там, дзе некалi рассыпалі яго насенне?

Так ці інакш, нічога ў прыродзе і нават у горадзе не прападзе, калі гэта нашы расліны і нашы жывёлы. Невялікая чародка зелянушак (Carduelis chloris) з 5 ці 6 птушак адкрыла для сябе насенне хмеля ўжо ўвечары. Няспешна выбіралі самае смачнае, а нясмачнае - кідалі ўніз:

Хмеля было шмат, птушак - не, таму елі няспешна, без суеты, час ад часу пералятаючы паблізу адна адной. Але хутка пачало змяркацца і мне прыйшлося заставіць птушак за хмяльной вячэрай.

Гродна, 08-11-2021

Аўтар - Дзьмітры Вінчэўскі