28.05.2023, Гомель, хмызы за Давыдаўкай, фота дакументацыйныя.
...То-бок, мы даўно пра яго ведалі. У сэнсе - вось ужо некалькі гадоў розны народ з раёна раз-пораз сустракаў "ух-ты-чорнага-бусла" (і нават "а-ну-да-жыве-тут-чорнага-бусла") на Сонечнай. Я ў хмызах таксама сустракала, толькі прыстойны здымак зрабіць не атрымлівалася. Мінулай восеньню, дарэчы, бачыла, як цэлая кампанія над дрэвамі кружляла - маю падазрэнне, што нешта тады вывелася і зьбіралася ў вырай...
А тут ішла сьцяжынай паміж зарасьнікаў, збочыла на луг. У сёлетнюю паводку яго затапіла, зараз вада часткова сыйшла, але засталіся лужыны. У адной такой лужыне пасьвіліся чорны бусел, белы бусел, шэрая чапля, белая пліска, кнігаўка і трохі варон (калі быў нехта шчэ - праз траву ня ўбачыла).
Так і сфатаграфаваўся.
- Увайдзіце ці зарэгіструйцеся каб пакідаць каментары.
Каментары
Harrier - 28.05.2023 - 23:12
Так, часам трэба збочваць…
Так, часам трэба збочваць каб убачыць новае.