Вясновыя клопаты крапіўніка(ў)

Неяк незаўважна (амаль) без снега, прайшла зіма. І, значыць, варта падумаць пра працяг роду. 

Ці варта гэта рабіць на тым самым месцы дзе зімаваў, ці перамяшчацца - пакуль ёсць выбар - і шукаць нешта лепшае кожны крапіўнік (T. troglodytes) вырашае сам. 

Мой стары знаёмы, за якога перажываў з-за частых 'візітаў' да яго бадзяжных коцікаў з тэрыторыі былога піўзавода, перажыў і зіму, і набегі коцікаў.

Сёння я зноў пачуў і сустрэў яго на яго кустах вярбы. Ён непакоіўся, але яўна інакш, не на коцікаў. 

https://youtu.be/boSrh5NAI7I

Хутка аказалася, што ён праганяў са сваёй тэрыторыі іншага крапіўніка. І прагнаў! А потым запеў - успомніў, што ўжо вясна ті тэрытарыяльныя канфлікты можна вырашаць прасцей - песнямі)

Гродна, 18-03-2020

Аўтар - Дзьмітры Вінчэўскі