Сокал-Пустальга LIVE-2023: Брэст, Беларусь ::: Kestrels nests LIVE-2023: Brest, Belarus 14-ы сезон :: 14th season

Вячэра адбылася з ужо амаль прывычным падзелам роляў:

спачатку старэйшы малы выхапіў палёўку ў самца, але сам нічога не змог з ёй зрабіць.

Тады самец падбег і пакарміў яго, хаця валлё ў птушаня і так было поўнае і яўна выпірала.

Малодшы ж пастаяў побач, але ў працэс падзелу здабычы не ўмешваўся.

Старэйшы вырваў палёўку ў самца, але ні разрваць сам, ні праглынуць не даў рады і кінуў.

Тады прыбег самец, падняў і аддаў яе малодшаму. Але і той не даў рады яе з'есці.

Тады прыляцела самка, якая яўна сядзела недзе недалёка ад гнездавой нішы, паглядзела на ўсё гэта і ...адляцела)

Ізноў горача, а ўсё ахалоджанне толькі праз выпарэнне вадкасці пад час дыхання:

Заўважылася, што самка ўчора і сёння некалькі разоў прыносіла на гняздо нешта вельмі дробнае - аднаму птушаняці на адзін каўток - але не могу разабраць, што.

Пасля абеду можна і паспаць)

У 12:52 самец прынёс палёўку, якую выхапіў старэйшы малы. Самец пасля гэтага некалькі разоў спрабаваў забраць і раздзяліць здабычу, але яна пераходзіла з лап у лапы птушанят і на працягу 5 хвілін  нічога ў яго не атрымалася. У рэшце рэшт самец адляцеў, а ці змаглі птушаняты самі парваць палёўку засталося невядомым.

Самка застаецца з птушанятамі, а не надоўга была разам і ўся сям'я:

Самка ўжо спрабуе не ўмешвацца ў падзел здабычы на гняздзе паміж птушанятамі. Але часам ён адбываецца нечакана: самка прыляцела пустой на гняздо, на якім ужо ляжалі 3 (!) палёўкі, на якіх малыя не звярталі ўвагі. У выніку пераходу палёвак з лап у лапы птушанят і самкі ёй усё ж прыйшлося забіраць, падбіраць непраглочанае і разрываць здабычу для малых: 

Цікава, гэта чужая самка залятала лаялася?

Усё ў малых расце, і крылы таксама. А іх лепш трэніраваць)

А кольцевание этой парочки планируется?

Птушаняты ўвайшлі ў той узрост, калі кожная спроба накарміць ператвараецца на чэлендж...

Сёння нарэшце мне ўдалося адсачыць галубоў, якія гняздуюцца пад другой камерай! Там усё настолькі таямнічае, што кожны раз відаць толькі кавалачак хваста... Аднак сёння я ўпершыню ўбачыла змену партнёраў на яйках :)

Зноў тут зашмат прэтэндэнтаў на адну палёўку.

І такое ўражанне, што ўчора вечарам/сёння ежы прыносілі няшмат.

Абед. А так амаль увесь час птушаняты сядзяць пад камерай.

Малыя пад'елі і сталі бегаць па нішы з распраўленымі крыльцамі - першыя імітацыі-трэніроўкі будучага палёту:

Птушаняты абодва лёгка і хутка перамяшчаюцца-перабягаюць па нішы:

Уважаемые орнитологи!
Самка ведет себя странно. Возможно, слышит крысу. Мог бы кто-нибудь проверить, не прогрызает ли крыса вновь?

За некоторое время до скрина самка прислушивалась

Самка начуе ў нішы побач з птушанятамі, але не грэе іх:

Птушаняты вельмі галодныя. Як толькі вярнулася самка з грызуном, хацелі вырваць яго.

Не атрымалася і цяпер хутка праглынаюць невялікія кавалкі, на якія здабычу дзеліць для іх самка: