Наўрацці спосаб палявання (ці рыбнай лоўлі) рачных крычак (Sterna hirundo) можна назваць лёгкім, таму што ў адрозненне ад іншых майстроў-рыбаловаў яны не стаяць у засадзе і не чакаюць на рыбу з прысады, а павінны выглядзець яе ў палёце, завіснуць і злавіць пад час нырання.
Таму адразу пасля пачатку самастойнага жыцця ўжо трэба ўмець выконваць усе асноўныя элементы гэтага працэсу: палёт над вадой, завісанне і хватанне рыбы дзюбай. Першыя два элементы трэніруюцца між іншага пад час купання маладых птушак, бо купацца можна на плыткім месцы, і пасля завісання пікірваннем у воду з нейкай вышыні - што паспяхова робяць і дарослыя птушкі.
А вось злавіць рыбку нашмат складаней. І для гэтага варта пачаць рабіць гэта не ў палёце, а або калі стаіш на цвёрдай глебе, або калі плаваеш. І пачаць не з рыбы, а з кавалка водарасцяў - з імі справіцца нашмат лягчэй:
Ну а калі натрэніруеш, шмат паўтараючы, гэты этап, то наступны - завісанне над вадой і пікірванне за кавалкам водасрасцяў. Ну а пасля поспеху ў ім можна пачынаць і рыбную лоўлю...
Нёман у Гродна, 15-08-2026
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
КАМЕНТАРЫ