Чайка-рыбачка: Прасіце - можа і дадуць

Дакументацыйныя здымкі

Хаця большасць маладых чаек-рыбачак (Larus ridibundus) выляцелі з гнёздаў параўнальна даўно і ліняюць з карычневых птушанят спачатку ў карычне-белых, а потым і ў амаль зусім белых чаек, ёсць і больш познія птушаняты. Яны выляцелі не так даўно і ўсё яшчэ ўпэўненыя і спадзяюцца, што дарослыя чайкі павінны іх карміць.

Адну такую я і сустрэў на Нёмане - яна пастаянна плавала кругамі вакол дарослай чайкі і пісклявым голасам прасіла яе карміць. 

Дарослая рабіла выгляд, што не заўважае яе, але потым яўна нервавалася і пачала пераступаць з нагі на нагу. Карміць прасіцельніцу яна яўна не збіралася, бо і не мела чым. І паступова маладая пачала крычаць цішэй і не так упэўнена, але плаваць не перастала.

Нёман у Гродна, 05-08-2020

Аўтар - Дзьмітры Вінчэўскі