Новы від птушак для Літвы адкрыты …двойчы !

Незвычайнае адкрыццё было зроблена на гэтым тыдні ў Літве – там быў сфатаграфаваны стэпавы жаўрук Calandra Lark (Melanocorypha calandra). 

Птушка ў пятніцу была сфатаграфавана на ўзбочыне заснежанай дарогі прафесійным прыродным фатографам Марыюсам Чэпулісам (Marius Čepulis) у горада Панявежыс (Panevėžys). Навіна хутка распаўсюдзілася дзякуючы змяшчэнню здымкаў і іх адпаведнай інтэрпрэтацыі на сэрвісе Birding Lithuania.

Сёння ж адбылося “пераадкрыццё” той самай птушкі – аказалася, што ў сераду тую ж птушку ў тым жа месцы ўжо сфатаграфаваў іншы бёдуотчар – Жыгімантас Мілерыс (Žygimantas Mileris). Ён, аднак, не змог самастойна вызначыць від і зразумеў усю важнасць здымкаў пасля публікацыі фота Марыюса. 

Стэпавы жаўрук адпавядае сваёй назве і распаўсюджаны ў стэпах Паўднёва-Заходняй Еўропы, Паўночнай Афрыкі і Паўднёва-Заходняй і Малай Азіі. Нерэгулярна залятае ў многія еўрапейскія краіны, нават у Швецыю і Нарвегію, быў адзначаны ў Польшчы, аднак у нашай краіне не назіраўся.

Паводле www.facebook.com/birdinglithuania (тэкст і здымак) падрыхтаваў Дзьмітры Вінчэўскі 

На гэтую тэму:

РЕДКИЕ ВИДЫ ПТИЦ В ПОЛЬШЕ И ЛИТВЕ В 2014 ГОДУ: КТО ОТМЕЧЕН У СОСЕДЕЙ?

Жоўтаногі кулік (Tringa flavipes) - новы від у арнітафаўне Літвы

АМЕРЫКАНСКАЯ ЧАЙКА-КЛЫГУН – НОВЫ ВІД ДЛЯ ПОЛЬШЧЫ

НА ВЫХОДНЫХ У ПОЛЬШЧЫ АДЗНАЧАНЫ НОВЫ ДЛЯ КРАІНЫ ВІД ПТУШАК

У Спісе птушак Польшчы па-ранейшаму 450 відаў 

Апошнія змены ў складзе авіфауны Польшчы