Апошні дадатак да Спісу відаў Амерыканскага орніталагічнага звязу (American Ornithologist's Union Checklist) утрымлівае падвышэнні статусу для некаторых падвідаў і цікавыя змены назваў мясцовых птушак.
Зімовы валавока, які дагэтуль лічыўся падвідам еўразійскага валавокі, або крапіўніка (Troglodytes troglodytes), цяпер падзелены на два віды: усходні зімовы валавока Troglodytes heimalis і заходні ціхаакіянскі валавока T pacificus. Цікава, колькі часу цяпер пратрымаюцца са статусам падвідаў крапіўнікі на Брытанскіх астравах?
Падвіды нырка-сіньгі (Melanitta nigra) – напрыклад, з Карыбскіх астравоў, Цэнтральнай і Паўднёвай Амерыкі цяпер атрымалі відавы статус. Паўднёва-заходняя раса амерыканскага ляляка (Caprimulgus vociferous) цяпер будзе лічыцца мексіканскім падвідам.
У амерыканскіх лесак змянілі назвы для некаторых радоў. Так, напрыклад некалькі відаў роду Vermivora цяпер называюць Oreothlypis sp.  Вадзяныя дразды (Seiuruses sp.?)  цяпер аднесены да роду Parkesia, зменены назвы таксама для некаторых іншых вераб’іных.
Не засталіся без зменаў і больш высокія ўзроўні класіфікацыі птушак: прапанаваныя новыя атрады і сямействы, некаторыя з апошніх перамешчаны ў іншыя, чым дагэтуль, атрады.Чытаць далей

Адбылася першая стадыя перасялення адной з самых рэдкіх птушак на Зямлі - мангравага ўюрка (Camarhynchus heliobates). Глабальна пагражаемы від птушак, адзін з прадстаўнікоў знакамітай групы Дарвінавых уюркоў, на сённяшні дзень засяляе толькі 2 невялікіх кавалкі мангравых зараснікаў на востраве Ізабэла (Галапагоскі архіпелаг). Тут яго прыродная папуляцыя налічвае каля пяці птушак! Яшчэ некалькі ўюркоў гэтага віду адзначаны на востраве Фернардына. Агульная ж колькасць віду ацэньваецца прыкладна ў 100 асобін. Таму брытанская дзяржаўная арганізацыя Defra's Darwin Initiative вылучыла грант на перасяленне часткі ўюркоў у мангравыя зараснікі на іншых астравах, дзе птушкі маглі б таксама размнажацца, бо некалі ўжо жылі там.Чытаць далей

Галодныя белыя мядзведзі ў вялікай колькасці з’ядаюць кладкі белашчокіх казарак (Branta leucopsis). Адбываецца так з-за таго, што падталыя арктычныя льды робяць у многіх месцах паляванне мядзведзяў на цюленяў немагчымым. Такія высновы зрабілі навукоўцы з Wildfowl & Wetlands Trust (WWT).Чытаць далей

Упершыню гнездаванне вялікага дзятла (Dendrocopus major) у Ірландзкай рэспубліцы было даказана ў 2009 годзе. Менавіта тады ў лясах у графстве Wicklow было знойдзена 7 гнездавых дуплаў гэтага віду. Усе яны былі паспяховымі. Чытаць далей