Дзень белай чаплі. (конкурсны рэпартаж)

    Калі наш клас збіраўся на назіранні птушак на Волму (рыбгас "Волма"), усё пыталі адзін аднаго, у чым ён паедзе. Усё вырашылі апрануцца цяпло. Усяго паехала 14 чалавек, лічачы і бацькоў.
Калі мы выехалі з Менска, быў вялікая смуга. У 50 м ад машыны нічога не было відаць. Але, да шчасця, калі мы даехалі, смугі там не было.

    Пачалася экскурсія з таго, што мы праз трубу паказалі дзецям лебедзяў. Усе былі ў захапленні! Бо ўбачыць птушку блізка няўзброеным вокам і праз трубу - гэта зусім розныя рэчы. Пасля таго як адна дзяўчынка паглядзела ў трубу яна сказала: "Два лебедзя памерлі". Тады я паглядзеў у трубу і апынулася, што яны засунулі галовы пад крылы і чысцілі пёры.
    Пасля гэтага мы пад'ехалі да альтанкі і пакінулі там машыны. Калі мы толькі пачалі ісці па сажалках мы ўбачылі іншых лебедзяў. Яны трэніравалі малодшае пакаленне, якое яшчэ ні разу не пралятала такія вялікія адлегласці. Дзецям вельмі спадабалася разглядаць белай чаплю. Яны знерваваліся, калі яна зайшла за трыснёг.
Пасля таго як мы абыйшлі некалькі сажалак дзецям захацелася есці. Тады мы вярнуліся да альтанкі. Калі мы туды ішлі, то пачулі песню крапіўніка. Пасля таго як паелі, мы пачалі гуляць ва ўсякія экалагічныя і іншыя гульні.
Сонца стала зніжацца і нам ужо трэба было з'яжджаць. Усю экскурсію была добрае надвор'е, калі ж мы ўжо ехалі, сонца схавалася за хмары і пачаўся дождж. Калі мы прыехалі ў Менск, дождж скончыўся. Экскурсія атрымалася на славу! Усе былі ў захапленні!
 

Аляксей Вінчэўскі, 5 клас.
 

Подпісы да фота:
1. на адной сажалцы рыбакі як раз лавілі рыбу
2. дзеці нашага класа з бацькамі
3. бацькі гулялі нароўне з дзецьмі і нават выйгравалі