Гракі: перахоўваем схаванае

Пачаўся цікавы перыяд у жыцці гракоў (Corvus frugilegus).

У апошнія дні трошкі радзей, чым раней бачу гракоў з грэцкімі арэхамі. А вось варон з арэхамі ўжо не адзначаю.

Спачатку не мог зразумець што адбываецца, але калі паназіраў за птушкамі, здаецца, магу растлумачыць.

Зразумела, што ўсё, што ўпала з арэхаў-дрэваў, даўно падабралі людзі і птушкі.

Адкуль жа гракі бяруць усё новыя і новыя арэхі?

Цікава, пры мне ніводнага арэха яны не адкрылі і не з'елі, а толькі пераносяць і хаваюць ў зямлі.

Прычым для гэтага выдатна пасуе іх доўгая (яўна даўжэйшая, чым у варон) і моцная дзюба:

https://youtu.be/6UjsJRTEZx4

Амаль упэўнены ў тым, што ўжо нейкі час менавіта гракі шукаюць, знаходзяць і перахоўваюць схаваныя раней арэхі. А даўжэйшая дзюба дазваляе не толькі паспяхова знаходзіць глыбей схаваныя арэхі, але і таксама глыбей іх хаваць!

Вось так і атрымалася "адстраніць" ( з працэсу пошуку варон.

Але чаму гракі толькі перахоўваюць арэхі і не ядуць іх, я не ведаю. Трэба і варта назіраць далей.

16 і 17.11.2020, Гродна

Аўтар - Дзьмітры Вінчэўскі

__________________________-