Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Арэхавыя дні

Дакументацыйныя здымкі

Прыкладна з другой паловы кастрычніка я штодня назіраю нашмат больш гракоў (Corvus frugilegus) і шэрых варон (Corvus (corone) cornix), якія або пералятаюць, або ядуць, або хаваюць грэцкія арэхі. Да гэтага на працягу прыкладна гадзіны я бачыў 1-2-3 птушак з арэхамі. А пасля такіх назіранняў стала паміж 10 і 15 штодзень.

З чым гэта звязана, мне цяжка сказаць. Але дзякуючы гэтаму атрымалася ўбачыць паводзіны, якіх раней або не бачыў, або не заўважаў.

Па-першае, аказалася, што бліжэй да абеду птушкі мала калі стараліся раскалоць арэхі, скідваючы іх на плітку, а стараліся схаваць здабычу на нейкую будучыню.

Па другое, хаця мы прызвычаіліся думаць, што крумкачовыя птушкі вельмі разумныя, хутка вучацца адна ад адной - і так ёсць насамрэч, аказалася, што не заўсёды дзеянні ці паводзіны птушак так выглядаюць. У адным выпадку шэрая варона прыляцела ужо з палавінкай арэха. Дастаць тое, што засталося унутры шкарлупіння, яўна было цяжка. Але каб зрабіць гэта было лягчэй, варона спрабавала раскалоць шкарлупінне вядомым ёй спосабам - скідывала палавінку арэха на плітку. Зразумела, што нічога ў яе не атрымалася і атрымацца не магло. Але яна спрабавала гэта раз за разам і толькі калі ўпэўнілася, што нічога не атрымліваецца, працягнула даставаць арэх з дапамогай ног і дзюбы.

Па трэцяе, упершыню атрымалася ўбачыць, што грэцкія арэхі як мінімум пераносяць сойкі (Garrulus glandarius)! Не ведаю, ці атрымліваецца ў ніх раскалоць арэх, але пераносіць у дзюбе - так (гл. апошні здымак).

Кастрычнік 2020, Гродна і Гродзенскі раён.

Аўтар - Дзьмітры Вінчэўскі

__________________________-

Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.