Можна сказаць, што гэтую сытуацыю "стварыла" вясна з начнымі марозамі і сонечнымі днямі. А атрымалася вось што:
Уздоўж берага Нёмана йшла вузкая палоска вады, потым - вузкая палоска льда і зноў, але ўжо шырокая плынь адкрытай вады.
Пара качак-крыжанак (Anas platyrchynchos) спакойна харчавалася паміж берагам і палоскай льда, ажно туды не прыплыў і сыйшоў са льда яшчэ адзін качар. Спачатку я думаў, што ён сам па сабе, таму і пасягнуў на яўна чужую самку, але пасля таго, як зняў відэа разборак, трохі далей убачыў і яго самку, якая проста павольна плыла за ім і адстала. Таму прычыну яго візіту да інша пары не разумею.
Качар-гаспадар яўна не хацеў сур'ёзнай бойкі, але і зрабіць выгляд, што не заўважыў чужака з такой адлегласці ўжо не атрымлівалася. Што адбылося далей, глядзіце тут:
Цікава, што гаспадар кінуўся ў атаку за прыбылым самцом толькі калі той павярнуўся да яго задам і, хутчэй за ўсё, гэта і стала памылкай гаспадара - пасля такога нападу госць ужо не мог проста так уцячы, ды і бараніць зад трэба было б яшчэ раз калі ўцякаць яшчэ раз)
Аднак супрацьстаянне скончылася добра - усе разабраліся па парах. Бо бывае і больш жорстка,
Гродна, Нёман, 12-03-2021
Аўтар - Дзьмітры Вінчэўскі
__________________________
Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў і відэа тут:" і далей канкрэтны адрас на знаходжанне фота-серыі на сайце.
- Увайдзіце ці зарэгіструйцеся каб пакідаць каментары.
КАМЕНТАРЫ