Пячураўка і халява ад павучкоў

Некалі чытаў, што ёсць недзе ў тропіках птушкі, якія спецыялізуются на крадзяжы здабычы з сетак павукоў.

І вось аказалася, што не трэба нікуды ехаць, каб убачыць як гэта адбываецца!

Час ад часу каля агароджы былога піўзаводу,дзе я здымаю апошні месяц розныя віды, якія ласуюцца ягадамі бузіны, я бачу і пячуравак. Напэўна, ягады бузіны для іх завялікія ці ўвогуле непрыдатныя для ежы, але нейкіх насякомых яны ўсё ж там шукалі і знаходзілі.

І вось мне пашанцавала ўбачыць і зняць, як пячураўка-ценькаўка (Phylloscopus collybita) выбірае насякомых з павуціння павучкоў, нацягнутага паміж рознымі элементамі агароджы!

https://youtu.be/NE-LrPRYDos

Рабіла гэта яна хутка і ўвішна - падобна да таго, як шукае ахвяраў пад лістамі дрэў і кустоў. Як і раней, яе старалася прагнаць адтуль адна з рудахвотсак-чарнушак, якія там трымаюцца - яны побач на адным са здымкаў ніжэй.

Не ведаю, ці тую самую, ці іншую птушку я ўбачыў і сфатаграфаваў на тым самым месцы праз дзень - яна ізноў выбірала насякомых з павуціння! Магчыма, што гэтым паводзінам можна хутка навучыцца або самастойна, або падгледзеўшы ў іншых асобін. Але як мінімум гэта б сведчыла, што гэта не адзінкавы выпадак.

16 і 18-09-2020, Гродна

Аўтар - Дзьмітры Вінчэўскі