Хаця песенку першага самца рудахвосткі-чарнушкі (Phoenicurus ochruros) у Гродна я пачуў яшчэ 21.03, у наступныя дні было ціха і яны запелі у знаёмых па мінуламу году месцах толькі некалькі дзён таму. А сёння атрымалася паназіраць за імі і трошкі паздымаць у розных месцах і сытуацыях на будынках б. бровара і каля яго.
Самец спяваў не вельмі актыўна, рабіў доўгія перапынкі паміж песнямі - можа і таму, што прыходзілася ганяцца за другім самцом, які часам , але на нядоўга,хаваўся то сярод расліннасці, то за рознымі выступамі муроў былога бровара. Але той, што хацеў быць тут адзіным гаспадаром, хутка яго знаходзіў і ярка-чырвоныя хвосцікі хутка лятаючых птушак успыхвалі на сонейку.
Зрэдку паказвалася і самка - яна на апошнім здымку. Так што ўсё павінна скончыцца добра - або з адным, або з другім, або з двума самцамі)
08-04-2020, Гродна
Аўтар - Дзьмітры Вінчэўскі
- Увайдзіце ці зарэгіструйцеся каб пакідаць каментары.
Каментары
arktous - 10.04.2020 - 23:17
Фотографии стали заметно…
Фотографии стали заметно качественнее, что-то применили, Дмитрий?
Harrier - 10.04.2020 - 23:50
In reply to Фотографии стали заметно… by arktous
Дзякуй! Не - стараюся -…
Дзякуй! Не - стараюся - калі адлегласць дазваляе - здымаць у рэжыме Макра. Так дэталі лепш прапрацоўваюцца. Ну і святла зараз больш, а на сонцы, асабліва ўвечары, атрымліваецца найлепш.
pon - 11.04.2020 - 18:06
Гэтых птушак у Добрушскім…
Гэтых птушак у Добрушскім раёне бачыў 03.04.2020.