Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Шэрая чапля і хуткая рыбалка

Падыходзячы да вусця Гараднічанкі яшчэ здалёк я ўбачыў, што там пасля чарговай навальніцы адбыліся яўныя змены: рэчка прынесла ў Нёман шмат новага пяску і мулу і гэта мялізна шырока разыходзілася ў рацэ. І яшчэ, акрамя камянёў і будаўнічага смецця нарэшце з'явіліся і кавалкі дрэваў, якія выступаюць над вадой так, каб прыцягнуць увагу каляводных птушак - на іх ім будзе зручна адпачываць, а зімародку - зручна рыбачыць.

Але з'явілася і нешта яшчэ - вертыкальнае, тонкае і зграбнае. І яно рухалася.  Шэрая чапля (Ardea cinerea) упершыню з вясны прыляцела сюды рыбачыць.

Нічога асабліва цікавага я ад яе не чакаў, але чапля прыемна здзівіла мяне, а можа і сябе. На працягу 7 хвілін з моманту як яна паціху выйшла на адкрытую ваду з рагоза і вярнулася ў яго, яна двойчы і з першага раза (!) злавіла 2 параўнальна вялікія рыбіны!

 

І хаця птушка знешне выглядала не вельмі дагледжанай, але як гэта звычайна бывае, каб быць паспяховым у сваёй справе важны не толькі добры выгляд. 

Чапля хутка праглынула сваю здабычу і пасля другой вярнулася ў высокі рагоз на беразе. А я пайшоў здымаць іншых птушак.

25-06-2021, Гродна

Аўтар - Дзьмітры Вінчэўскі

Каментары