КАМЕНТАРЫ

Больш каментароў →

CLUB200

АПОШНІЯ ФОТАЗДЫМКІ

Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Як варона ламала ...цяпліцу

шэрая варона

Здаецца, першы раз я не маю нават ніякай версіі, каб рацыянальна растлумачыць паводзіны адной з шэрых варон (Corvus corone cornix), за якой атрымалася назіраць амаль у цэнтры гораду.

Птушка гэта прызямлілася на цяпліцу з празрыстага пластыку і на працягу амаль 5 хвілін спачатку шукала што там можна 'зачапіць' дзюбай і адарваць, а потым знайшла і паспяхова ламала, пакуль яе не прагнала адтуль іншая варона:

Для чаго гэта ёй было?

Гродна, 06-11-2024

Аўтар - Дзьмітры Вінчэўскі

Каментары

svetlana vranova - 27.12.2024 - 16:55

Дзіма, я думаю, што яна проста «гуляе». Ты ж ведаеш, што крумчаковыя любяць гуляць з рознымі прадметамі. Часам іх гульня пераходзіць у дэструктыўную дзейнасць «проста так», без прычыны.

Вароны ў гарадах не пакутуюць ад голаду, ім хапае ежы. Па гэтай прычыне ў іх з'яўляецца даволі шмат «вольнага часу», які яны могуць прысвяціць забавам.

Шмат гадоў таму ў мяне ў вальеры былі галкі, якіх мы выратавалі з гнёздаў падчас рэканструкцыі даху. Мне падабалася хадзіць на іх назіраць, і я заўсёды прыносіла ім «падарункі», нейкія цацкі. Яны вельмі любілі туалетную паперу. Я ім дала усю новую ролю, а яны паступова разарвалі яе на шматкі. Яны вельмі забаўляліся, адрываючы самыя доўгія кавалкі. Іх дзейнасць не мела ніякага сэнсу, яны ні на што не выкарыстоўвалі паперу. Адзіны сэнс быў – знішчыць рулон, парваць паперу, зрабіць беспарадак. Іншым разам проста так, без усялякага сэнсу, ламалі палкі на самыя дробныя кавалачкі. Таксама яны знішчылі пластыкавую міску для гранул – проста раскалолі яе дзюбамі.

Разнастайныя гульні, у тым ліку і разбуральная дзейнасць без бачных прычын, з'яўляюцца звычайнай часткай жыцця крумчаковых. Таму я лічу, што твае назіранне адносіцца да гэтай катэгорыі. Проста варона – вандал нудзілася і забівала вольны час.