Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Яліны, кольчатыя туркаўкі і іншыя птушкі

Невядома чаму, кольчатыя туркаўкі (Streptopelia decaocto), якія на працягу другой паловы мінулага стагоддзя паспяхова каланізавалі ўсю Беларусь і "пайшлі" далей на ўсход і поўнач, у гэтым стагоддзі яўна зменшылі сваю колькасць і на захадзе Гарадзеншчыны сустракаюцца зараз толькі ў былых мястэчках, а па-сучаснаму - у аграгарадках.

Вельмі магчыма, што спрыяе гэтаму былы савецкі звычай садзіць у якасці прадстаўнічых дрэваў перад сельсаветамі-клубамі-дамамі культуры елкі. А елкі ў адпаведным узросце дабць не толькі выдатную ахову для гнёздаў туркавак, але і добра хаваюць птушак ад шулякоў ды іншых драпежнікаў зімой. Менавіта на старых ялінах я бачыў найбольшыя для сябе скапленні кольчатых туркавак у Беларусі, якія часам налічвалі за 30 птушак.

Калі ж мы ў мінулую нядзелю праязжалі аграгарадок Канюхі і вырашылі паглядзець за токавымі паводзінамі двух пар туркавак перад клубам ды сельсаветам на параўнальна старых ялінах, там ва ўсю віравала жыццё і іншых птушак: двух відаў вераб'ёў, спявалі самцы зелянушак і чорнагаловых шчыгелаў...

https://youtu.be/jw8oMzkDG-g

 

Так што не ўсё толькі кепскае было звязана з савецкай уладай, часам тады атрымліваліся і карысныя для прыроды рэчы)

18-04-2021, Бераставіччына

Аўтар - Дзьмітры Вінчэўскі

__________________________

Пры выкарыстанні здымкаў у сацсетках забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

 

Каментары

Дзякуй! У тым месцы варта было б хаця б паўгадзіны паздымаць - розных птушак там было больш, чым дастаткова.

А гэта цэнтр вёскі, каля самай дарогі, дзе ходзяць-ездзяць шмат людзей.