Зелянушка і амерыканскі клён

Амерыканскі клён (Acer negundo), згодна з назвай - паўночнамерыканскі від, які, на жаль, быў інтрадукаваны амаль па ўсяму Свету і не менш за стагоддзе сустракаецца ў многіх краінах Еўропы, у тым ліку і ў Беларусі. Клён гэты даўно 'натуралізаваўся' і займае вялікія плошчы і ў поёмах нашых рэк, і ў менш прыродных месцах. Да ўчорашняга  дня я не бачыў, каб нехта не тое што еў бы, а нават спрабаваў бы есці яго шматлікае насенне.

І вось зусім нечакана зелянушка (Carduelis chloris) паспрабавала гэта зрабіць:

Ці то насенне гэтае зусім нясмачнае для (нашых) птушак, ці па іншай прычыне, але ў зелянушкі так нічога і не атрымалася.

03-10-2021, Гродна

Аўтар - Дзьмітры Вінчэўскі