Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Звычайная рудахвостка: Самец без самкі

звычайная рудахвостка

У наступныя дні пасля першай фота-сесіі з гэтым самцом звычайнай рудахвосткі (Ph. phoenicurus), здавалася, што асабліва нічога не змянілася. Ён усё так жа актыўна спяваў з розных прысадаў: ад вяршалін пладовых дрэваў да дахаў аднапавярховых дамоў. Але перапынкі паміж чарговымі песнямі часам сталі даўжэйшымі, бо, як аказалася, самец рабіў іх не толькі каб адпачнуць і пад’есці, але таксама і шукаў месца для будучага гнязда. І я двойчы назіраў, як ён залятаў у нішу пад выступ даху драўлянай хаты:

гняздо

Здавалася, што ўсё у яго яшчэ наперадзе, але раптам у пачатку мая птушка знікла. Ці то вырашыла змяніць гнездавы ўчастак і адляцела на іншы ў пошуках партнёркі, ці то яе з’еў адзін з коцікаў, якія вольна гулялі паміж суседнімі дамамі на гэтай ціхай вуліцы, ці можа яго злавіў шуляк-карагольчык? Прычына застаецца невядомай. Варта толькі дадаць, што хаця гэтая вуліца Цітова сваёй прыватнай забудовай, амаль выключна савецкай і аднапавярховай, з садзікамі і гародзікамі навокал дамоў, больш нагадвае вёску, чым горад, на ўсіх яе трох кіламетрах я змог пачуць толькі 4 самцоў звычайнай рудахвосткі (уключна з тым, што прапаў). Тады як сярод рознастайнай забудовы ў цэнтры гораду розныя пары гэтага віду адзначаюцца прыкладна кожныя 30 метраў.

Гродна, 30-04-2023

Аўтар – Дзьмітры Вінчэўскі