Кожны здымак у галерэі нашага сайту з'яўляецца ўласнасцю аўтара, які яго размясціў (калі не ўказана іншае). Для камерцыйнага выкарыстання любога здымка або яго часткі неабходны пісьмовы дазвол аўтара.
Пры некамерцыйным выкарыстанні спасылка на аўтара і сайт абавязковыя. Звяртайцеся да рэдактара:harrier@tut.by па ўсіх пытаннях
Пры выкарыстанні здымкаў у сацсетках, забаронена размяшчаць больш аднаго здымка з фотасерыі на пост, таксама абавязковы надпіс "больш здымкаў тут:" і далей канкрэтны адрас на знаходжанне фота-серыі на сайце.

All these pictures are copyrighted by the authors. Please respect the time and effort spent in shooting them.
If you have any questions or comments, please let us know: harrier@tut.by

Адстала ад сваіх?

Як гэта часта бывае ў пахмурныя восеньскія дні, амаль незаўважна пачало змяркацца. І на Нёмане сталі выразней цёмныя сілуэты качак на фоне светлай вады.

Стоп! Адна з качак зусім не качка, а гусь! Я стаў прыглядацца праз камеру - так і ёсць, маладая белалобая гусь (Anser albifrons) гэтага году плавала разам з качкамі-крыжанкамі зусім недалёка ад берага. Што з ёй - падранак?

Качкі пачалі плыць у бок пляжа, гусь старалася плыць за імі і, нарэшце, выйшла перад самым пляжам на бераг, дзе пачала рваць і праглынаць невысокую сухую траву. Здаецца, ні на целе, ні на крылах, ні на нагах раны не бачна. Я не бачыў яе ў палёце, але палохаць галодную гусь, каб праверыць ці яна лятае, не хацелася. Здаецца, проста адстала ад сваіх.

На заўтра зранку гусь ізноў была побач ці разам з крыжанкамі, але метраў 300 ўніз па плыні ракі. Тут яна купалася і ела, хутка адрываючы кавалкі зялёных раслін і з вады, і выходзячы на бераг і зноў я не заўважыў нічога незвычайнага ў яе знешнім выглядзе. Паглядзім, ці застанецца яна даўжэй ці адляціць праз нейкі час на захад - на звычайныя месцы зімоўкі віда.

20-21.11.2021, Нёман у Гродна.

Аўтар - Дзьмітры Вінчэўскі

Каментары

Дзякуй! Сёння зранку гусі ўжо каля нашага берага не было. Можа і паляцела далей.

А вароны заўсёды цікавяцца новым і падлятаюць як мага бліжэй паглядзець)